କନକ ବ୍ୟୁରୋ : ଲାଇନ୍ଚ୍ୟୁତ ହେଲା ଟ୍ରେନ୍ । ବ୍ରହ୍ମପୁର ଷ୍ଟେସନ୍ ନିକଟରେ ଏକ ମାଲବାହୀ ଟ୍ରେନର ଦୁଇଟି ବଗି ଲାଇନ୍ଚ୍ୟୁତ ହୋଇଛି । ତେବେ ଏଥିରେ କୌଣସି କ୍ଷୟକ୍ଷତି ହୋଇ ନଥିବା ସୂଚନା ମିଳିଛି । ତୁରନ୍ତ ଘଟଣାସ୍ଥଳରେ ପହଁଚି ବିଭାଗୀୟ ଅଧିକାରୀମାନେ ସ୍ଥିତି ଯାଂଚ କରିଛନ୍ତି । ତେବେ କିଛି ସମୟ ପରେ ବ୍ରହ୍ମପୁର-ବିଶାଖାପାଟଣା ରୁଟରେ ରେଳ ଚଳାଚଳ ସ୍ୱାଭାବିକ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ସକାଳେ ଖୋର୍ଦ୍ଧା ରୋଡ୍ ଷ୍ଟେସନରୁ ଓ୍ଵାଲଟିୟର ଅଭିମୁଖେ ଯାଉଥିବା ଏକ ମାଲଗାଡ଼ିର ଦୁଇଟି ବଗି ବ୍ରହ୍ମପୁରରୁ ଗୋଲନ୍ଥରା ଷ୍ଟେସନ ମଧ୍ୟରେ ଲାଇଡ଼୍ଚୁତ ହୋଇଥିଲା । ତେବେ ଏହି ବଗି ଦୁଇଟି ଖାଲି ଥିଲା । ବଗି ଲାଇନ୍ ଚ୍ୟୁତ ଯୋଗୁଁ କୌଣସି ଧନଜୀବନର କ୍ଷତି ହୋଇ ନାହିଁ । ତେବେ ଟ୍ରାକ୍ କିଛିଟା କ୍ଷତି ହୋଇଥିବାରୁ ସେହି ଲାଇନ୍ରେ ଟ୍ରେନ୍ ଚଳାଚଳ କିଛି ସମୟ ପାଇଁ ବନ୍ଦ ରହିଥିଲା ରେସ୍କ୍ୟୁ ଗାଡ଼ି ପହଞ୍ଚି ବଗି ଦୁଇଟିକୁ ଟ୍ରାକକୁ ଆଣିବା ପରେ ଲାଇନ୍ରେ ଟ୍ରେନ୍ ଚଳାଚଳ ସ୍ୱାଭାବିକ ହେବ ବୋଲି ଜଣାପଡ଼ିଛି ।