ପରିଚିତ ପ୍ରେମିକ ହେଲା ଅପରିଚିତ ରାକ୍ଷାସ ! ପ୍ରେମିକାକୁ ନୃଶଂସ ଭାବେ କଲା ହତ୍ୟା
କନକ ବ୍ୟୁରୋ : ଜୟପୁରରେ ପ୍ରେମ ସଂପର୍କକୁ ନେଇ ଗୁଳିକାଣ୍ଡ । ପ୍ରେମିକାକୁ ଗୁଳି କରି ହତ୍ୟା କଲା ପ୍ରେମିକ । ଜୟପୁର ବାରିଣୀପୁଟରେ ଗୋଟିଏ ପରିବାରରେ ଜଣେ ବୃଦ୍ଧାଙ୍କ ମୃତ୍ୟୁର ୩ଦିନ ପାଳନ ଚାଲିଥିବାବେଳେ ଏହି ହତ୍ୟାକାଣ୍ଡ ଘଟିଛି । ପଡୋଶୀଙ୍କ କହିବା ଅନୁସାରେ ସେହି ଘରର ଝିଅ ବି. ପିଙ୍କିଙ୍କୁ ପ୍ରେମ କରୁଥିଲା ଉମ୍ରି ଅଂଚଳରେ ରହୁଥିବା ଝିଅର ମାମୁ ପୁଅ ଅଜିତ ଖରା । ଏହି କାର୍ଯ୍ୟକ୍ରମରେ ଯୋଗ ଦେବାକୁ ଆସିଥିଲା ଅଜିତ ।
Kanak News is now on WhatsApp
Join and get latest news updates delivered to you via WhatsApp
ଝିଅ ସହ ଘର ଛାତ ଉପରେ ସେମାନଙ୍କ ପ୍ରେମ ସଂପର୍କ ନେଇ ଆଲୋଚନା କରୁଥିବାବେଳେ ହଠାତ ଉତକ୍ଷିପ୍ତ ହୋଇପଡିଥିଲା ଯୁବକ ଜଣକ । କାରଣ ଝିଅର ବିବାହ ଅନ୍ୟତ୍ର ସ୍ଥିର କରିଥିଲେ ପରିବାର ଲୋକ । ପାଖରେ ରଖିଥିବା ପିସ୍ତଲରେ ଝିଅର ମୁଣ୍ଡକୁ ଦୁଇ ରାଉଣ୍ଡ ଗୁଳି ଚଳାଇବାରୁ ଘଟଣାସ୍ଥଳରେ ହିଁ ଟଳିପଡିଥିଲେ ପିଙ୍କି । ଶବ୍ଦ ଶୁଣି ପରିବାର ଲୋକେ ଛାତ ଉପରକୁ ଯିବା ପରେ ପିଙ୍କିଙ୍କୁ ହତ୍ୟା କରିଥିବା ସ୍ୱୀକରା କରିିଥିଲା ଅଜିତ ।
ଝିଅର ମୃତଦେହ ଦେଖି ଉତ୍ୟକ୍ତ ପରିବାର ଲୋକେ ଅଜିତକୁ ନିସ୍ତୁକ ମାଡ ମାରିବା ସହ ପୋଲିସକୁ ଖବର ଦେଇଥିଲେ । ପୋଲି୍ସ ଘଟଣାସ୍ଥଳରେ ସାଇଂଟିଫିକ ଟିମ ସହ ପହଂଚି ଅଧିକ ଅନୁସନ୍ଧାନ ଚଳାଇଛି । ତେବେ ପ୍ରେମ ସଂପର୍କକୁ ଅସ୍ୱୀକାର କରିଛନ୍ତି ଝିଅର ପରିବାର ଲୋକେ ।