ନିଆରା କାଳୀପୂଜା । ଯେଉଁଠି ଏକାଠି ହୋଇ ମା’ କାଳୀଙ୍କୁ ପୂଜା କରିଥାନ୍ତି ହିନ୍ଦୁ ଓ ମୁସଲମାନ ସମ୍ପ୍ରଦାୟର ଲୋକେ ।
କନକ ବ୍ୟୁରୋ : ନିଆରା କାଳୀପୂଜା । ଯେଉଁଠି ମା କାଳୀଙ୍କୁ ଏକାଠି ପୂଜା କରନ୍ତି ହିନ୍ଦୁ ଓ ମୁସଲିମ୍ ସମ୍ପ୍ରଦାୟର ଲୋକ । ଯେତେବେଳେ ଧର୍ମର ଦ୍ୱାହି ଦେଇ ଲୋକଙ୍କ ମଧ୍ୟରେ ଲଢେଇ କରାଯାଉଛି । ଆଲ୍ଲା ଓ ଇଶ୍ୱରଙ୍କ ନାଁରେ ଲୋକଙ୍କ ମଧ୍ୟ ଦଙ୍ଗା ସୃଷ୍ଟି କରିବାକୁ ପ୍ରୟାସ କରାଯାଉଛି । ସେତେବେଳେ ଭାଇଚାରାର ଏକ ନିଚ୍ଛକ ଉଦାହରଣ ସୃଷ୍ଟି କରି ଆସୁଛନ୍ତି ରାଜକନିକା ବ୍ଲକର ଓଳାଭର ଅଞ୍ଚଳର ବାସିନ୍ଦା ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ୭୩ ବର୍ଷ ହେବ ମା’ ଦକ୍ଷିଣେଶ୍ୱର କାଳୀଙ୍କ ପୂଜା କରି ଆସୁଛନ୍ତି ଓଳାଭର ଅଞ୍ଚଳର ଉଭୟ ହିନ୍ଦୁ ଓ ମୁସଲମାନ ଭାଇମାନେ । କୁହାଯାଏ, ୧୯୪୬ ମସିହାରେ ଏଠାରେ କାଳୀପୂଜା ଆରମ୍ଭ କରାଯାଇଥିଲା । ଯେତେବେଳେ ସାରା ଦେଶରେ ହିନ୍ଦୁ ଓ ମୁସଲିମଙ୍କ ମଧ୍ୟରେ ଦଙ୍ଗା, ମାରପିଟ୍ ଚରମସୀମାରେ ପହଞ୍ଚିଥିଲା । କିନ୍ତୁ ସେହି ସମୟରେ ଓଳାଭରରେ ଏହି ଦୁଇ ସମ୍ପ୍ରଦାୟ ମଧ୍ୟରେ ଶତ୍ରୁତା ନୁହେଁ ବରଂ ସମ୍ପର୍କର ଯେଉଁ ନୂଆ ପରିଭାଷା ସୃଷ୍ଟି ହୋଇଥିଲା ତାହା ଅନ୍ୟ ମାନଙ୍କ ପାଇଁ ଉଦାହରଣ ସୃଷ୍ଟି କରିଥିଲା ।
ସେତେବେଳେ ଏହି ପୂଜାକମିଟିର ସମ୍ପାଦକ ଥିଲେ ଜଣେ ମୁସଲମାନ ଭାଇ ସେକ କରାମତ ଅଲ୍ଲୀ । ଦୁଇ ସମ୍ପ୍ରଦାୟ ମଧ୍ୟରେ ଦଙ୍ଗା ବଦଳରେ ଭାଇଚାରା ସୃଷ୍ଟି କରିବାକୁ ସେତେବେଳେ ସେକ ଅଲ୍ଲୀ ଏକାଠି କାଳୀପୂଜା ପାଳନ ପାଇଁ ଉଦ୍ୟମ ଆରମ୍ଭ କରିଥିଲେ । ଆଉ ତାଙ୍କ ଉଦ୍ୟମରେ ଆରମ୍ଭ ହୋଇଥିବା ଏହି କାଳୀପୂଜା ଏବେ ୭୩ ବର୍ଷରେ ପହଞ୍ଚିଛି । ଆଉ ଏବେ ମଧ୍ୟ ଏକାଠି ହୋଇ କାଳୀପୂଜା ପାଳନ କରୁଛନ୍ତି ଉଭୟ ହିନ୍ଦୁ ଓ ମୁସଲମାନ ଭାଇ ।