ଲୋକପ୍ରିୟ ଅଭିନେତ୍ରୀ ଫରିଦା ଜଲାଲ ମୃତ ! ସୋସିଆଲ ମିଡିଆରେ ଏହି ଗୁଜବକୁ ନେଇ ଚର୍ଚ୍ଚା
ସୂଚନା ମୁତାବକ, ମନୋରଂଜନ ଜଗତରେ ତଥା ବିଭିନ୍ନ ସିନେମା ଓ ଧାରାବାହିକରେ ଅଭିନୟ କରିଆସୁଥିବା ବରିଷ୍ଠା ଅଭିନେତ୍ରୀ ଫରିଦା ଜଲାଲଙ୍କ ମୃତ୍ୟୁ ଘଟିଛି ବୋଲି ଗୁଜବ ଉଠିଛି । ଯାହାକୁ ନେଇ ବ୍ୟସ୍ତବିବ୍ରତ ହୋଇପଡିଛି ସଂପୂର୍ଣ୍ଣ ସିନେ ଜଗତ । କାରଣ ବଡ ପରଦାରୁ ଆରମ୍ଭ କରି ଛୋଟ ପରଦା ଯାଏଁ ଫରିଦା ନିଜର ଚମତ୍କାର ଅଭିନୟ ପ୍ରତିଭା ଜରିଆରେ ସମସ୍ତଙ୍କୁ ଆକୃଷ୍ଟ କରିପାରିଛନ୍ତି । ତେବେ ଏହି ମୃତ୍ୟୁ ଖବରଟିକୁ ଖଣ୍ଡନ କରି ନିଜେ ଫରିଦା କହିଛନ୍ତି କି, ‘ମୁଁ ସଂପୂର୍ଣ୍ଣ ସୁସ୍ଥ ଅଛି , ମୁଁ ଜାଣି ପାରୁ ନାହିଁ କିଏ ଏଭଳି ଖବର ପ୍ରଚାର କରିଛି । ପ୍ରଥମେ ତ ଏ ଖବର ଶୁଣି ମତେ ବହୁତ ହସ ଲାଗିଥିଲା ମାତ୍ର ଏହାପରେ ମୋ ପାଖକୁ ଆରମ୍ଭ ହୋଇଯାଇଥିଲା ମୋ ପ୍ରିୟ ପରିଜନଙ୍କ ଫୋନ ସମସ୍ତଙ୍କ ମୁହଁରେ ଖାଲି ସେ ଗୋଟିଏ କଥା । ତେବେ ଏହି ଖବରଟି ସଂପୂର୍ଣ୍ଣ ମିଛ ।’
Kanak News is now on WhatsApp
Join and get latest news updates delivered to you via WhatsApp
ଆପଣ ଶୁଣିଲେ ଆଶ୍ଚର୍ଯ୍ୟ ହେବେ ପୂର୍ବରୁ ମଧ୍ୟ ବଲିଉଡ ଜଗତର ବହୁ ଷ୍ଟାର ମାନଙ୍କ ମିଛ ମୃତ୍ୟୁ କଥା ଗୁଜବ ଉଠିଥିଲା । ସୁପରଷ୍ଟାର ଅମିତାଭ ବଚ୍ଚନ, ଦିଲ୍ଲୀପ କୁମାର, କାଦର ଖାନଙ୍କଠାରୁ ଆରମ୍ଭ କରି ଗାୟକ ହନୀ ସିଂ ମଧ୍ୟ ଏହି ଗୁଜବର ଶିକାର ହୋଇସାରିଛନ୍ତି । ଆଉ ଏବେ ପାଳି ପଡିଛି ଫରିଦା ଜଲାଲଙ୍କ । ତେବେ ଏଠାରେ ଆମେ କହି ରଖୁଛୁ କି ଦୀର୍ଘ ଦିନର ବ୍ୟବଧାନ ପରେ ଫରିଦା ଖୁବ୍ ଶୀଘ୍ର ନଜର ଆସିବେ ଇମରାନ୍ ଖାନଙ୍କ ଅଭିନିତ ସିନେମା ‘ସରଗୋସିୟା’ ରେ । ଯେଉଁଥିରେ ତାଙ୍କୁ ଜଣେ କାଶ୍ମୀର ମହିଳା ଭୂମିକାରେ ଦେଖିବାକୁ ମିଳିବ ।