ରିସେପସନରେ ଏଭଳି ଅନ୍ଦାଜରେ ନଜର ଆସିଲେ ଦୀପବୀର୍ ! ଦେଖନ୍ତୁ ସବୁ ରିସେପସନ ଫଟୋ ।
ବଲିଉଡରେ ଚାଲିଛି ଏବେ ବିବାହ ଋତୁ । ପ୍ରଥମେ ଦୀପବୀର୍ ପରେ ଏବେ ନିକୟାଙ୍କାଙ୍କ ବିବାହ ଖୁବ୍ ଚର୍ଚ୍ଚାରେ ରହିଛି । ତେବେ କିଛି ଦିନରୁ ସମସ୍ତଙ୍କ ନଜରରେ ଥିବା କପଲ୍ ଦୀପିକା ଏବଂ ରଣବୀରଙ୍କ ବିବାହ ଇଟାଲୀରେ ସଂପର୍ଣ୍ଣ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ବାଙ୍ଗାଲୋରରେ ଦୁହିଁଙ୍କ ରିସେପସନ୍ ମଧ୍ୟ ହୋଇଥିଲା ବର୍ତ୍ତମାନ ମୁମ୍ବାଇରେ ମଧ୍ୟ ଦୁହିଁଙ୍କ ରିସେପସନ୍ ଏବଂ ବିଭିନ୍ନ ଫଟୋ ଭାଇରାଲ୍ ହେଉଛି । ଏହି ରିସେପସନ୍ କୁ ମିଶାଇଲେ ଦୀପବୀର୍ ୩ ଟି ରିସେପସନ୍ ମନାଇ ସାରିଲେଣି ।
ପ୍ରଥମ ରିସେପସନ୍ ବାଙ୍ଗାଲୋର ଦୀପିକାଙ୍କ ବାପଘରେ ଅନୁଷ୍ଠିତ ହୋଇଥିଲା ଯେଉଁଥିରେ କେବଳ ବନ୍ଧୁବାନ୍ଧବ ଏବଂ ଜ୍ଞାତି ପରିଜନ ସାମିଲ ହୋଇଥିଲେ । ଏହାପରେ ମୁମ୍ବାଇରେ ରଣବୀରଙ୍କ ଭଉଣୀ ଏକ କଳଟେଲ୍ ପାର୍ଟିର ଆୟୋଜନ କରିଥିଲେ ଯେଉଁଥିରେ ବର କନ୍ୟା ଦୁହିଁଙ୍କ ଡ୍ରେସ୍ କୁ ନେଇ ଟ୍ରୋଲ୍ ହୋଇଥିଲେ ।
ଦ୍ୱିତୀୟ ରିସେପସନ୍ ମୁମ୍ବାଇରେ ଅନୁଷ୍ଠିତ ହୋଇଥିଲା ଯେଉଁଥିରେ କିଛି ତାରକା ନଜର ଆସିଥିବା ବେଳେ ଗତକାଲି ଆଉ ଏକ ରିସେପସନ୍ ପାର୍ଟି ଆୟୋଜନ ହୋଇଥିଲା ଯେଉଁଥିରେ ବଲିଉଡର ନାମୀଦାମୀ କଳାକାରଙ୍କୁ ଦେଖିବାକୁ ମିଳିଥିଲା ।