ସ୍ୱାମୀର ମଦ ଛଡାଇବାକୁ ଧବଳେଶ୍ୱରରେ ମାନସିକ ରଖିଲେ ସ୍ତ୍ରୀ: କିପରି ମଦ ଛାଡିବେ ସ୍ୱାମୀ, ଶିବଙ୍କୁ ପ୍ରାର୍ଥନା
କନକ ବ୍ୟୁରୋ: ସ୍ୱାମୀଙ୍କ ଠାରୁ ମଦ ଛଡାଇବା ପାଇଁ ସ୍ତ୍ରୀଙ୍କ ଶିବ ଆରାଧନା । ଏଭଳି ଘଟଣା ସାମ୍ନାକୁ ଆସିଛି ପ୍ରଭୁ ଧବଳେଶ୍ୱରଙ୍କ ପୀଠରୁ । ଶ୍ରାବଣ ଦ୍ୱିତୀୟ ସୋମବାରରେ ହଜାର ହଜାର ଭକ୍ତ ଆସିଛନ୍ତି ପୀଠକୁ । ସେମାନଙ୍କର ବିଶ୍ୱାସ, ପ୍ରଭୁ ଧବଳେଶ୍ୱରଙ୍କୁ ପାଣି ଲାଗି କଲେ କୋଟି ଜନ୍ମର ପୂଣ୍ୟ ଲାଭ ହେବା ସହ ମନସ୍କାମନା ପୂରଣ ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଏମିତି ଜଣେ ମହିଳା ଭକ୍ତଙ୍କୁ ଦେଖିବାକୁ ମିଳିଥିଲା ଯିଏ ତାଙ୍କ ସ୍ୱାମୀଙ୍କ ଦୀର୍ଘଦିନର ମଦ ଅଭ୍ୟାସ ଛଡାଇବା ପାଇଁ ଧାଇଁ ଆସିଛନ୍ତି ଏହି ଶିବାଳୟକୁ । ଏଠାରେ ସେ ପୂଜାର୍ଚ୍ଚନା କରିବା ସହ ତାଙ୍କ ସ୍ୱାମୀ କିପରି ମଦ ଛାଡିବେ ସେନେଇ ପ୍ରଭୁଙ୍କ ନିକଟରେ ପୂଜାର୍ଚ୍ଚନା କରିଛନ୍ତି ।
ସେପଟେ, ଭଦ୍ରକ ନଳଗାଁ ନିକଟରେ ୧୦ଫୁଟ ଦବିଲା ୧୬ ନଂ ଜାତୀୟ ରାଜପଥ । ଅଳ୍ପକେ ବର୍ତିଲେ ବୋଲବମ ଭକ୍ତ । ଗତକାଲି ରାତି ୧୧ଟାରେ ପୁରୀରୁ ଗୋରଖପୁର ଏକ ବସରେ ୬୦ଜଣ ଭକ୍ତ ଯାଉଥିବା ସମୟରେ ରାସ୍ତା ଦବି ଯିବାରୁ ବସଟି ଖମାରେ ଗଳି ପଡିଥିଲା । କିଛି ଘଂଟା ପାଇଁ ଜାତୀୟ ରାଜପଥ ଜାମ ହୋଇଥିଲା ।
ଖବର ପାଇ ଗ୍ରାମାଂଚଳ ଥାନାଧିକାରୀ ଘଟଣାସ୍ଥଳରେ ପହଁଚି ବସ ଓ ଅନ୍ୟ ଏକ ଟ୍ରକକୁ ଉଦ୍ଧାର କରିଥିଲେ । ଭଗବାନଙ୍କ ପାଇଁ ବଂଚିଯାଇଛୁ ବୋଲି କହିଛନ୍ତି ବସ୍ରେ ଯାଉଥିବା ଭକ୍ତ । ଏନଏଚଆଇ କର୍ତୁପକ୍ଷ ଖବର ପାଇଁ ଘଟଣାର ତଦନ୍ତ ଆରମ୍ଭ କରିଛନ୍ତି ।