ବଲାଙ୍ଗୀର ଚନ୍ଦନଭାଟିରେ ନିର୍ବାଚନୀ ହିଂସା ! ମୁତୟନ ହେଲେ ୧ ପ୍ଲାଟୁନ୍ ପୋଲିସ୍ ଫୋର୍ସ
କନକ ବ୍ୟୁରୋ : ବଲାଙ୍ଗୀର ଚନ୍ଦନଭାଟି ଗାଁରେ ଏକ ଛୋଟିଆ ପ୍ରସଙ୍ଗକୁ ନେଇ ଗଣ୍ଡଗୋଳ ଘଟିଛି । ଏଥିରେ ପ୍ରଫୁଲ୍ଲ ମେହେର ନାମକ ଜଣେ ବିଜେଡି କର୍ମୀ ଆହତ ହୋଇ ହସପିଟାଲରେ ଭର୍ତ୍ତି ହୋଇଛନ୍ତି । ଏହି ଘଟଣାକୁ ନେଇ ଚନ୍ଦନଭାଟି ଗାଁରେ ଚାପା ଉତ୍ତେଜନା ଦେଖାଦେଇଛି । ପୁଲିସ ୧ ପ୍ଲାଟୁନ ଫୋର୍ସ ଚନ୍ଦନଭାଟି ଗାଁରେ ମୁତୟନ କରିଛି । ବିଜେଡି-କଂଗ୍ରେସ କର୍ମୀଙ୍କ ଗଣ୍ଡଗୋଳ ଘଟଣା ଏବେ ରାଜନୈତିକ ରୂପ ନେଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେଡିର ବଲାଙ୍ଗୀର ବିଧାନସଭା ପ୍ରାର୍ଥୀ ଅର୍କେଶ ନାରାୟଣ ସିଂହଦେଓ ହସପିଟାଲକୁ ପହଞ୍ଚି କଂଗ୍ରେସକୁ ଘଟଣା ପାଇଁ ଦାୟୀ କରିଛନ୍ତି । ଅନ୍ୟପଟେ ଘଟଣା ପରେ ବିରୋଧୀ ଦଳ ନେତା ନରସିଂହ ମିଶ୍ର ଓ ଚନ୍ଦନଭାଟି ଗ୍ରାମର ଲୋକେ ବଲାଙ୍ଗୀର ଏସପି କେ.ଶିବା ସୁବ୍ରମଣିଙ୍କୁ ରାତି ୧୧ଟାରେ ଦେଖା କରିଛନ୍ତି । ସମଗ୍ର ଘଟଣାକୁ ନେଇ ତଦନ୍ତ ଜାରି ରହିଥିବା ବଲାଙ୍ଗୀର ଏସପି ସୂଚନା ଦେଇଛନ୍ତି ।