ବଲାଙ୍ଗୀର : ବଲାଙ୍ଗୀର ଜିଲ୍ଲାରେ ପୁଣି ଆରମ୍ଭ ହୋଇଛି ଦାଦନ ଋତୁ । ବାହାର ରାଜ୍ୟକୁ ଚାଲାଣ ବେଳେ ୧୪ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିଛି ପାଟଣାଗଡ଼ ପୋଲିସ । ଉଦ୍ଧାର ଶ୍ରମିକଙ୍କ ମଧ୍ୟରେ ଅଛନ୍ତି ୬ ଜଣ ପୁରୁଷ, ୬ଜଣ ମହିଳା ଏବଂ ୨ଜଣ ଶିଶୁ । ଚିଙ୍ଗେରବନ୍ଧ ଗାଁର ମହେଶ୍ୱର ବାଗ ନାମକ ଜଣେ ଦଲାଲ ଏହି ଶ୍ରମିକ ମାନଙ୍କୁ ଚାଲାଣ କରୁଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ପରିବାର ପିଛା ୨୨ ହଜାର ଟଙ୍କା ଦେଇ ବେଲପଡା ଥାନା ଚନ୍ଦ୍ରପୁର ଗାଁର ଜଣେ ସର୍ଦ୍ଦାର ପାଖକୁ ଗାଡି ଯୋଗେ ନେଉଥିବା ବେଳେ କେନ୍ଦୁମୁଣ୍ଡି ଗାଁ ନିକଟରେ ପୋଲିସ ଏହି ଶ୍ରମିକ ମାନଙ୍କୁ ଉଦ୍ଧାର କରିଛି । ଟ୍ରେନ୍ ଯୋଗେ ଏହି ଶ୍ରମିକମାନେ ହାଇଦ୍ରାବାଦକୁ ଇଟା ବାଡ଼େଇବାକୁ ନେବାର ଯୋଜନା ରହିଥିଲା । ବଲାଙ୍ଗୀର ଜିଲ୍ଲା ଶ୍ରମିକ ଅଧିକାରିଙ୍କୁ ଡ଼ାକି ତଦନ୍ତ ପରେ ଡ୍ରାଇଭର ସହ ଦଲାଲକୁ ଗିରଫ କରିଛି ପାଟଣାଗଡ଼ ପୋଲିସ ।