ଆଉ ଦିନକ ପରେ ଓଡ଼ିଶା ଐତିହ୍ୟ ପରମ୍ପରାର ପର୍ବ ପବିତ୍ର କାର୍ତ୍ତିକ ପୂର୍ଣ୍ଣମା ! ଡଙ୍ଗା ବଜାରେ ଲାଗିଛି ଭିଡ଼
କନକ ବ୍ୟୁରୋ : ଆ କା ମା ବଇ . . . . ପାନ ଗୁଆ ଥୋଇ, ପାନ ଗୁଆ ତୋର, ମାସକ ଧରମ ମୋର . . . . । ଆଉ ଦିନକ ପରେ ଓଡ଼ିଶା ଐତିହ୍ୟ ପରମ୍ପରାର ପର୍ବ ପବିତ୍ର କାର୍ତ୍ତିକ ପୂର୍ଣ୍ଣମା ବା ବୋଇତ ବନ୍ଦାଣ ପର୍ବ । ଏହି ଦିନ ପୋଖରୀ/ନଦୀ କୂଳରେ ଓଡ଼ିଆମାନେ ଡଙ୍ଗା ଭସାଇ ଅତୀତର ସ୍ମୃତିକୁ ଉଜାଗର କରିଥା’ନ୍ତି । ପୂର୍ବରୁ ଏହି ଦିନ ସାଧବମାନେ ବାଣିଜ୍ୟ କରିବାକୁ ଜାଭା, ସୁମାତ୍ରା, ବାର୍ଲି ଆଦି ଦୂର ଦେଶକୁ ଯାଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେମାନେ ଯାଉଥିବା ବୋଇତକୁ ବନ୍ଦାପନା କରିବା ତଥା ବିଦାୟ ଦେବା ଉଦ୍ଦେଶ୍ୟରେ କେଉଁ ପ୍ରାଚୀନ କାଳରୁ ଏହି ବୋଇତ ବନ୍ଦାଣ ଉତ୍ସବ ପାଳିତ ହୋଇଆସୁଛି । ଏହି ଅବସରରେ ବିଭିନ୍ନ ସ୍ଥାନରେ ଖୋଲିଛି ସୋଲ ଓ କଦଳୀ ପାଟୁକାରେ ତିଆରି ଡଙ୍ଗା ବଜାର । ଏଥିରେ ରହିଛି ରଙ୍ଗ ବେରଙ୍ଗ ଓ ବିଭିନ୍ନ ଡିଜାଇନ୍ର ଡଙ୍ଗା ।
ଆସନ୍ତା ଶନିବାର ଏହି ଡଙ୍ଗା ଭସା ପର୍ବ ପଡ଼ୁଥିବାରୁ ରାଜଧାନୀରେ ସୋଲଠାରୁ ଆରମ୍ଭ କରି କାଗଜ ଡଙ୍ଗାର ବିକ୍ରି ଆରମ୍ଭ ହୋଇଗଲାଣି । ଡଙ୍ଗାର ମୂଲ୍ୟ ୧୦ ଟଙ୍କାରୁ ଆରମ୍ଭ କରି ୫୦୦ ଟଙ୍କା ପର୍ଯ୍ୟନ୍ତ ରହିଛି। ଶ୍ରଦ୍ଧାଳୁଙ୍କ ପସନ୍ଦକୁ ଆଖି ଆଗରେ ରଖି ଡଙ୍ଗା ପ୍ରସ୍ତୁତକାରୀମାନେ ବିଭିନ୍ନ ଡିଜାଇନ୍ର ଡଙ୍ଗା ପ୍ରସ୍ତୁତ କରି ବିକିବା ଆରମ୍ଭ କଲେଣି ।