ଅନୁଗୁଳ : ଡଙ୍ଗାରେ ନଈ ପାର ହୋଇ ସ୍କୁଲ ଯାଉଛନ୍ତି ପିଲା, ନାଚାର ଅଭିଭାବକ
କନକ ବ୍ୟୁରୋ : ଖରା, ବର୍ଷା ହେଉକି ଶୀତ, ଦୈନିକ ସ୍କୁଲ ଯିବା ପାଇଁ ଛାତ୍ରଛାତ୍ରୀଙ୍କ ଏକମାତ୍ର ଭରସା ଡଙ୍ଗା । ଅନୁଗୁଳ ଜିଲ୍ଲା ପାଲଲହଡା ବ୍ଲକର ଆଲୁରୀ ପଂଚାୟତର ପ୍ରାୟ ୪୫ ପିଲା ସୋମାକୋଇ ନଈକୁ ଡଙ୍ଗାରେ ପାରି ହୋଇ କେନ୍ଦୁଝର ଜିଲ୍ଲା ତେଲକୋଇ ବ୍ଲଲକର ସରେଇ ସ୍କୁଲକୁ ପଢିବାକୁ ଯାଆନ୍ତି । ନାଉରୀ ନଥିଲେ ନିଜେ ମଧ୍ୟ ଡଙ୍ଗା ଚଲାଉଥିବା ସ୍କୁଲ ପିଲା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଲୁରୀ ପଂଚାୟତର ଆଖ ପାଖରେ ଏମଇ କିମ୍ବା ହାଇସ୍କୁଲ ନଥିବାରୁ ଛାତ୍ରଛାତ୍ରୀମାନେ ସରେଇକୁ ପଢିବାକୁ ଯାଉଥିବା ପ୍ରକାଶ କରିଛନ୍ତି । ସରକାର ଶିକ୍ଷା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ମଧ୍ୟ ଦୁର୍ଗମ ଅଂଚଳରେ ଏହାର ସୁଫଳ ମିଳିପାରୁ ନାହିଁ । ଅନ୍ୟପଟେ ସୋମାକୋଇ ନଦୀରେ ଏକ ପୋଲ ନିର୍ମାଣ କରିବାକୁ ଛାତ୍ରଛାତ୍ରୀ ଦାବି କରିଛନ୍ତି ।