ପାଣି ଘେରରେ ଆପଣ ଫସି ଯାଇଛନ୍ତି କି ? ବିଏମସି ଜାରିକଲା ହେଲ୍ପଲାଇନ ନମ୍ବର ।
ଭୁବନେଶ୍ୱର ସ୍ମାର୍ଟ ସିଟିରେ ତାଣ୍ଡବ ରଚୁଛି ଲଗାଣ ବର୍ଷା । ଏପରିକି ଲଗାଣ ବର୍ଷା ଯୋଗୁଁ ସ୍ମାର୍ଟସିଟିର ବିଭିନ୍ନ ଅଞ୍ଚଳରେ ବନ୍ୟାର ଭ୍ରମ ସୃଷ୍ଟି ହୋଇଛି । ରାଜଧାନୀର ଗଳି କନ୍ଦି ଠାରୁ ଆରମ୍ଭ କରି ବିଭିନ୍ନ ଛକ ଏବଂ ଜାତୀୟ ରାଜପଥ ଉପରେ ସମ୍ପୂର୍ଣ୍ଣ ବନ୍ୟାର ବିଭିଷୀକା ପରି ଲହଡି ମାରୁଛି ବର୍ଷାଜଳ । ଦୈନନ୍ଦୀନ ପରି ଅଫିସ ଯିବାକୁ ଘରୁ ବହାରି ଆସିଥିବା ଲୋକମାନେ ବର୍ଷାଜଳ ଜମିବା ଯୋଗୁଁ ବିଚ୍ ରାସ୍ତାରେ ଲୋକମାନେ ଫସି ରହିଥିବା ଦୃଶ୍ୟ ମଧ୍ୟ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଜଳବନ୍ଦୀ ହୋଇ ରହିଥିବା ରାଜଧାନୀବାସୀଙ୍କୁ ସହାୟତା ପ୍ରଦାନ ପାଇଁ ଭୂବନେଶ୍ୱର ମହାନଗର ନିଗମ (ବିଏମସି) ତରଫରୁ ଖୋଲିଲା କଣ୍ଟ୍ରୋଲ ରୁମ୍ । ଏହାସହ ହେଲ୍ପଲାଇନ ନମ୍ବର-୦୬୭୪-୨୪୩୦୦୩୮ ମଧ୍ୟ ଜାରି କରାଯାଇଛି । ତେବେ ଯଦି ଆପଣ ରାଜଧାନୀର କୌଣସି ଅଞ୍ଚଳରେ ଜଳବନ୍ଦୀ ଘେରରେ ରହିଛନ୍ତି, ତେବେ ତୁରନ୍ତ ଏହି ହେଲ୍ପଲାଇନ ନମ୍ପରରେ କଲ କଲେ ଆପଣଙ୍କୁ ସହାୟତା ପ୍ରଦାନ କରିବ ବିଏମସି ।
ଅନ୍ୟପଟେ ଲଗାଣ ବର୍ଷାରେ ବେହାଲ ଭୁବନେଶ୍ୱରର ସ୍ଥିତି ପୁରା ସଂଗୀନ ହୋଇପଡିଛି । କେଉଁଠି ବାଇକ ବୁଡିଛି ତ ଆଉ କେଉଁଠି କାର ଆଉ ବସ ଫସି ରହିଛି ବର୍ଷା ଜଳ ଘେରରେ । ସବୁଠାରୁ ଆଶ୍ଚର୍ଯ୍ୟଜନକ କଥା ହେଲା, ସ୍ମାର୍ଟସିଟିର ଛାତି ଉପରେ ଥିବା କିଛି ଘର ଭିତରକୁ ବର୍ଷା ପାଣି ପସିଯାଇଛି । ଯେଉଁଥି ପାଇଁ ଲୋକମାନେ ନାହିଁ ନଥିବା ସମସ୍ୟାରେ ସମ୍ମୁଖୀନ ହେଉଛନ୍ତି । ଗତ କିଛିଦନି ତଳେ ମଧ୍ୟ ଜଳ ନିଷ୍କାସନ ପାଇଁ ବିଏମସି ପକ୍ଷରୁ ପଦକ୍ଷେପ ନିଆଯିବ ବୋଲି ମେୟର କହିଥିଲେ ।