ଦୃଷ୍ଟିହୀନ ବି ପଢ଼ିପାରିବେ ଖବରକାଗଜ ! ଆସିଲା ସ୍ୱତନ୍ତ୍ର ଚଷମା, ଜାଣନ୍ତୁ ଭାରତୀୟ ବଜାରରେ କେତେ ରହିଛି ଏହାର ମୂଲ୍ୟ ?
ଦୃଷ୍ଟିହୀନମାନେ ଯିବାଆସିବା ଠାରୁ ଆରମ୍ଭ କରି ନିତ୍ୟକର୍ମ କରିବା ପାଇଁ ଅନେକ ସମସ୍ୟାର ସମ୍ମୁଖୀନ ହୁଅନ୍ତି । କିଛି ବି କରିବା ପାଇଁ ତାଙ୍କୁ ଅନ୍ୟର ସାହାରା ନେବାକୁ ପଡ଼େ । ତେବେ ସବୁବେଳେ ସେମାନଙ୍କ ପାଖରେ କେହି ରହିବା ସମ୍ଭବପର ହୋଇପାରେ ନାହିଁ । ଆଉ ସେଥିପାଇଁ ସେମାନେ ଅବହେଳିତ ଅନୁଭବ କରନ୍ତି । ତେବେ ଦୃଷ୍ଟିହୀନଙ୍କ ପାଇଁ ଏକ ଏପରି ସ୍ୱତନ୍ତ୍ର ଚଷମା ଆସିଯାଇଛି ଯାହାଦ୍ୱାରା ତାଙ୍କୁ ଆଉ କାହା ଉପରେ ନିର୍ଭରଶୀଳ ହେବାକୁ ପଡ଼ିବ ନାହିଁ । ନିଜ କାମ କରିବା ସହ ଖବରକାଗ ମଧ୍ୟ ପଢ଼ିପାରିବେ ଦୃଷ୍ଟିହୀନ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଚାରିଜଣ ସାଙ୍ଗ ଦୃଷ୍ଟିହୀନଙ୍କ ଜୀବନରେ ନୂଆ ରଙ୍ଗ ଭରିବା ପାଇଁ ଏକ ସ୍ୱତନ୍ତ୍ର ପ୍ରକାର ଚଷମା ତିଆରି କରିଛନ୍ତି । ଏହି ଚଷମା ବ୍ୟହାର କରିବା ଦ୍ୱାରା ଦୃଷ୍ଟିହୀନମାନେ ରାସ୍ତାରେ ଆସୁଥିବା ଅସୁବିଧାକୁ ଜାଣିପାରିବେ ଓ ଚିହ୍ନିପାରିବେ । କେବଳ ଏତିକି ନୁହେଁ ଖବରକାଗଜ ମଧ୍ୟ ପଢ଼ିପାରିବେ । ଚଷମା ଆର୍ଟିଫିସିଆଲ୍ ଇଣ୍ଟିଲିଜେନ୍ସି ଟେକ୍ନାଲୋଜି ଦ୍ୱାରା ପ୍ରସ୍ତୁତ ହୋଇଛି । ଏହାକୁ ତିଆରି କରିଛନ୍ତି ଚାରି ସାଙ୍ଗ ଶ୍ରେୟସ , ଅର୍ପିତ, ସଂଚିତ ଓ ରାହୁଲ । ଦୃଷ୍ଟିହୀନଙ୍କ ପାଇଁ ସାହାରା ହେବାପାଇଁ ପ୍ରସ୍ତୁତ ହୋଇଥିବା ଚଷମାର ନାଁ ରଖାଯାଇଛି ବିଶ୍ରୁତି । ବିଶ୍ରୁତି ଏକ ସଂସ୍କୃତ ଶବ୍ଦ । ଏହାର ଅର୍ଥ ହେଲା ଶୁଣିକି ଦେଖିବା । ଦୃଷ୍ଟିହୀନ ଲୋକମାନେ ଶୁଣିକି ତାଙ୍କର ଦିନଚର୍ଯ୍ୟା କରନ୍ତି । କୌଣସି ବ୍ୟକ୍ତିକୁ ଚିହ୍ନିବା ପାଇଁ ତା’ର ସ୍ୱର ଶୁଣିଲା ପରେ ହିଁ ଜାଣିପାରନ୍ତି । ତେବେ ଏହି ଚଷମାକୁ ଏପରି ପ୍ରସ୍ତୁତ କରାଯାଇଛି, ଯଦ୍ୱାରା ଦୃଷ୍ଟିହୀନ ଲୋକଙ୍କ ଜୀବନ ସୁଗମ ହେବ ।
ବିଶ୍ରୁତିରେ ଏକ କ୍ୟାମେରା ଓ ଛୋଟ କମ୍ପ୍ୟୁଟର ଲାଗିଛି । ଏହା ବ୍ୟତୀତ ଚଷମାରେ ଲାଗିଛି ଅଡ଼ିଓ ଫିଡ଼ବ୍ୟାକ ସିଷ୍ଟମ୍ ଯାହା ବୋନ୍ କଣ୍ଡକ୍ସନ ଟେକ୍ନୋଲୋଜିରେ କାମ କରେ । ଏହାଦ୍ୱାରା କାନ ଫଛରେ ଥିବା ହାଡ଼ ଜରିଆରେ ସିଧା କାନ ପର୍ଯ୍ୟନ୍ତ ପହଞ୍ଚେଞ୍ଚ । ବିଶ୍ରୁତି ଚାରୋଟି ସ୍ୱତନ୍ତ୍ର କାମ କରେ । ଏହାର ପ୍ରମୁଖ କାମ ହେଲା ନାଭିଗେସନ୍, ମଲ୍ଟିପଲ ଅବଜେକ୍ଟ , କେରନ୍ସି ଡିଟେକ୍ସନ ଓ ଟେକ୍ସ ଟୁ ସ୍ପିଚ୍ ।
ନାଭିଗେସନ ଫିଚର ଦୃଷ୍ଟିହୀନ ଲୋକଙ୍କ ସୁବିଧାରେ ରାସ୍ତା ଦେଖାଇବ । ଏହି ଫିଚର ଜଣାଇବ ସିଧା ଯିବାକୁ ପଡ଼ିବ ନାଇଁ ବାମକୁ କିମ୍ବା ଡାହାଣକୁ । ରାସ୍ତାରେ ଯଦି ଖାଳଢ଼ିପ ଥାଏ, ତେବେ ନାଭିଗେସନ ଜରିଆରେ ଦୃଷ୍ଟୀହୀନଙ୍କୁ ଏନେଇ ଜାଣିପାରିବେ ।
ମଲ୍ଟିପଲ ଓବଜେକ୍ଟ ଫଙ୍ଗସନ୍ ଦ୍ୱାରା ଦୃଷ୍ଟିହୀନ ଲୋକେ ବିଭିନ୍ନ ସାମଗ୍ରୀକୁ ସହଜରେ ଚିହ୍ନିପାରିବେ । ଏହି ଫିଚର ଜରିଆରେ ଆସୁଥିବା କୌଣସି ବି ପ୍ରକାର ଜୀବଜନ୍ତୁ ମଧ୍ୟ ଚିହ୍ନପାରିବେ । ଏହା ବ୍ୟତୀତ କରେନ୍ସି ଡିଟେକ୍ସନ ଫିଚର ଜରିଆରେ ଭାରତୀୟ ନୋଟକୁ ଅତି ସହଜରେ ଚିହ୍ନିହେବ ।
ଏହା ବ୍ୟତୀତ ଟେକ୍ସ ଟୁ ଫିଚର ଜିଆରେ ଦୃଷ୍ଟିହୀନମାନେ ଖବରକାଗଜ ମଧ୍ୟ ପଡ଼ିପାରିବେ । ଏହି ଚଷମା ଲଗାଇବା ପରେ ବିଶ୍ରୁତି କାନରେ ହେଡ଼ଲାଇନ୍ ପଢ଼ି ଶୁଣାଇବ । ଦୃଷ୍ଟିହୀନମାନେ ବିଶ୍ରୁତି ଜରିଆରେ ମରାଠୀ, କନ୍ନଡ଼, ଇରାଂଜୀ, ତାମିଲ, ହିନ୍ଦୀ ସମେତ ୧୫ଟି ଭାରତୀୟ ଭାଷାରେ ଖବରକାଗଜର ହେଡ଼ଲାଇନ୍ ପଢ଼ିଶୁଣାଇବ । ଏହା ବ୍ୟତୀତ ବିଶ୍ରୁତ ଫ୍ରେଂଚ ଓ ଇଟାଲିଆନ୍ ଭାଷା ମଧ୍ୟ ପଢ଼ିହେବ । ସୂଚନା ଅନୁସାରେ ବଜାରକୁ ଆସିବା ପାଇଁ ଆଉ କିଛି ଦିନ ଲାଗିବ ବୋଲି ସୂଚନା ମିଳିଛି । ତେବେ ଭାରତୀୟ ବଜାରେ ଏହି ଚଷମାର ମୂଲ୍ୟ ୮ରୁ ୧୦ ହଜାର ରଖାଯିବ ବୋଲି ଜଣାପଡ଼ିଛି ।