କୃଷ୍ଣସାର ମୃଗ ଶିକାର ମାମଲା ! ଆଜି ଯୋଧପୁର କୋର୍ଟରେ ଶୁଣାଣି ବେଳେ ଉପସ୍ଥିତ ରହିବେ ବଲିଉଡ୍ ଦବଙ୍ଗ ଖାନ୍ ସଲମାନ
ଆଜି ଚର୍ଚ୍ଚିତ କୃଷ୍ଣସାର ମୃଗ ଶିକାର ମାମଲାରେ ଯୋଧପୁର କୋର୍ଟରେ ହାଜର ହେବେ ବଲିଉଡ ତାରକା ସଲମାନ ଖାନ୍ । ୬ ଜୁଲାଇରେ ହେବାକୁ ଥିବା ଶୁଣାଣି ଘୁଂଚି ଥିଲା ଏବଂ ଏହା ଆଜି ହେବ । ୧୯୯୮ ମସିହାର ଏହି ମାମଲା ନେଇ ସଲମାନ ଆଜି କୋର୍ଟରେ ହାଜର ହେବେ ବୋଲି ଜଣାପଡିଛି । ତେବେ ରାଜସ୍ଥାନରେ ଅଶାନ୍ତ ଲାଗି ରହିଥିବାରୁ ସୁରକ୍ଷା କାରଣରୁ ସେ କୋର୍ଟକୁ ଆସିବା ନେଇ ସନ୍ଦେହ ସୃଷ୍ଟି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ମଧ୍ୟ କୃଷ୍ଣସାର ମୃଗ ଶିକାର ମାମଲାରେ ବଲିଉଡ ତାରକା ସଲମାନ ଖାନ ଯୋଧପୁର କୋର୍ଟରେ ହାଜର ହୋଇ ବୟାନ ରଖିଥିଲେ । କୃଷ୍ଣସାର ମୃଗ ସ୍ୱାଭାବିକ ମୃତ୍ୟୁବରଣ କରିଥିଲା ବୋଲି ସେ କହିଥିଲେ । ତାଙ୍କୁ ଏଥିରେ ଫସାଇ ଦିଆଯାଇଥିବା ସହ ସେ ନିର୍ଦ୍ଦୋଷ ବୋଲି ମଧ୍ୟ ମାଜିଷ୍ଟ୍ରେଟଙ୍କୁ କହିଥିଲେ । ୧୯୯୮ରେ ଏକ ଚଳଚ୍ଚିତ୍ରର ସୁଟିଂ ସମୟରେ ସଲମାନ ଓ ଅନ୍ୟ କେତେକ ଅଭିନେତାଙ୍କ ଉପରେ କୃଷ୍ଣସାର ମୃଗ ହତ୍ୟା ଅଭିଯୋଗ ଆସିଥିଲା ।