କଳାଧନ ବିରୋଧରେ କେନ୍ଦ୍ରର ସର୍ଜିକାଲ ଷ୍ଟ୍ରାଇକ୍ : ବ୍ୟାଙ୍କରେ ଖାତା ନଥିଲେ କଣ କରିବେ !
କନକ ବ୍ୟୁରୋ : କଳାଧନ, ଜାଲ ନୋଟ, ଦୁର୍ନୀତି ଓ ଆତଙ୍କବାଦ ଉପରେ ଲାଗିବ ଅଙ୍କୁଶ । ମୋଦି ସରକାରଙ୍କ ଘୋଷଣା ପରେ ଗତକାଲି ରାତିଠୁ ଅଚଳ ହୋଇଗଲା ୫ ଶହ ଓ ଏକ ହଜାର ଟଙ୍କା ନୋଟ । ଅନ୍ୟପଟେ ସରକାରଙ୍କ ନିଷ୍ପତିକ୍ରମେ ୨ ଦିନ ପାଇଁ ଏଟିଏମରେ ତାଲା ଝୁଲିଛି ଏବଂ ଦୁଇ ଦିନ ପର୍ଯ୍ୟନ୍ତ ବ୍ୟାଙ୍କ ସେବା ମଧ୍ୟ ଠପ୍ ରହିବ । ଅନ୍ୟପଟେ ସମୀକ୍ଷକଙ୍କ ମତ ଏହି ନିଷ୍ପତି କଳାଧନାକୁ ପଦାକୁ ଆଣିବ । ଦୁର୍ନୀତି ବିରୋଧୀ ଲଢେଇରେ ଏହା ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବ ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କରେ ଖାତା ନଥିଲେ ଆମେ କଣ କରିପାରିବା ନିହାତି ଭାବରେ ସାଧାରଣ ଲୋକଙ୍କ ମନରେ ଏହି ପ୍ରଶ୍ନ ସୃଷ୍ଟି ହେବା ବାସ୍ତବିକ୍ । କିନ୍ତୁ, ଏହାର ସମାଧାନ ରହିଛି । ଖାତ। ଖୋଲିବା ପାଇଁ ଦରକାର ହେଉଥିବା ପ୍ରମାଣପତ୍ର ଏବଂ ଆବଶ୍ୟକ ହେଉଥିବା କାଗଜପତ୍ର ଗୁଡିକ ଦେଇ ନୂଆ ଖାତା ବ୍ୟାଙ୍କରେ ଖୋଲିବାକୁ ପଡିବ ।
ନୋଟ୍ ଗୁଡିକୁ ଜମା କରାହେବ କିମ୍ବା ବଦଳାଯାଇପାରିବ, ଏହାବ୍ୟତିତ ଅନ୍ୟ କୈାଣସି ଉପାୟ ନାହିଁ । ଜନଧନ ଖାତାଗୁଡିକୁ ମଧ୍ୟ ଏଥିପାଇଁ ବ୍ୟବହାର କରାଯାଇପାରିବ । ନିଜବନ୍ଧୁ ଏବଂ ପରିଚିତ ଲୋକଙ୍କର ଜନଧନ ଖାତାକୁ ଏହାପାଇଁ ବ୍ୟବହାର କରାଯାଇପାରିବ । ସେଥିପାଇଁ ଯାହା ନାଁରେ ବ୍ୟାଙ୍କ ଖାତା ରହିଛି ତାଙ୍କୁ ଲିଖିତ ଭାବରେ ଅନୁମତି ପ୍ରଦାନ କରିବାକୁ ପଡିବ ।