କନକ ବ୍ୟୁରୋ : କୁନ୍ଦୁଲି ପୀଡିତାଙ୍କ ମୃତ୍ୟୁ ପ୍ରସଙ୍ଗରେ ମହିଳା କମିଶନଙ୍କ ନିରବତାକୁ ନେଇ ତାତିଛି ବିଜେପି ମହିଳା ମୋର୍ଚ୍ଚା । କୁନ୍ଦୁଲି ଘଟଣାର ତଦନ୍ତ ରିପୋର୍ଟ ଦାବି କରି ମହିଳା କମିଶନଙ୍କ କାର୍ଯ୍ୟାଳୟରେ ଧଶେଇ ପଶିଛନ୍ତି ବିଜେପି ମହିଳା ମୋର୍ଚ୍ଚା ସଦସ୍ୟ । ଅଫିସ ଭିତରେ ଭଙ୍ଗାରୁଜା କରିଛନ୍ତି । ଏଥିସହ ଦୁଆର ମୁହଁରେ ଚୁଡି ହାର କରି ଟାଙ୍ଗିଛନ୍ତି । ଏନେଇ ବିଜେପି କହିଛି କୁନ୍ଦୁଲି ଘଟଣାକୁ ୪ ମାସ ବିତି ଯାଇଥିଲେ ସୁଦ୍ଧା ଅଭିଯୁକ୍ତ ଧରା ପଡିନାହାନ୍ତି । ଏପରିକି ମହିଳା କମିଶନ ମଧ୍ୟ ମୁଖ୍ୟମନ୍ତ୍ରୀଙ୍କ ଗାଦି ବଞ୍ଚାଇବାରେ ସହାୟତା କରୁଛନ୍ତି ବୋଲି ବିଜେପି ଅଭିଯୋଗ ଆଣିଛି । ତେବେ ବିଜେଡି କହିଛି ମୁଖ୍ୟମନ୍ତ୍ରୀଙ୍କ ଲୋକପ୍ରିୟତା ବଢୁଥିବା ଦେଖି ବିଜେପି ଜଳୁଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଆଜି କୁନ୍ଦୁଲି ପ୍ରସଙ୍ଗରେ ସିବିଆଇ ତଦନ୍ତ ଦାବି କରି ହାଇକୋର୍ଟରେ ଜନସ୍ୱାର୍ଥ ମାମଲା ରୁଜୁ କରିଛନ୍ତି ପୂର୍ବତନ ସାଂସଦ ଖାରବେଳ ସ୍ୱାଇଁ । ମୁଖ୍ୟ ଶାସନ ସଚିବ , ଗୃହ ବିଭାଗ ସଚିବ, ପୋଲିସ ଡିଜି, ସିବିଆଇ, କୋରାପୁଟ୍ ଏସପି ଓ ପଟାଙ୍ଗୀ ଆଇଆଇସିଙ୍କୁ ଏଥିରେ ପକ୍ଷ କରିଛନ୍ତି । ସେପଟେ ନ୍ୟାୟରେ ପକ୍ଷପାତିତା କରି କୁନ୍ଦୁଲି ପୀଡିତାଙ୍କୁ ଆତ୍ମହତ୍ୟା ପାଇଁ ବାଧ୍ୟ କରାଯାଇଥିବା ଅଭିଯୋଗ କରି କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ପୀଡିତାଙ୍କ ଭାଇ । କୋରାପୁଟ୍ ଜିଲ୍ଲା ଦୋ÷ରାଜଜ୍ଙ୍କ କୋର୍ଟରେ ସେ ମାମଲା ରୁଜୁ କରିଛନ୍ତି ।