ରତ୍ନଭଣ୍ଡାରର ଚାବି ହଜିବା ନେଇ ରାଜ୍ୟର ସବୁ ଥାନାରେ ବିଜେପି ଦେବ ଏତଲା ! ସପ୍ତାହ ବ୍ୟାପୀ ଚାଲିବ କାର୍ଯ୍ୟକ୍ରମ!
କନକ ବ୍ୟୁରୋ : ରତ୍ନଭଣ୍ଡାର ଚାବି ହଜିବା ନେଇ ଦିନକୁ ଦିନ ରାଜନୀତି ବଢ଼ି ଚାଲିଛି । ଆଉ ଏସବୁ ଭିତରେ ଏହାକୁ ରାଜନୈତିକ ମୁଦ୍ଦା କରିବାକୁ ଆଦୌ ସୁଯୋଗ ହାତଛଡ଼ା କରୁନାହିଁ ବିଜେପି । ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ ବିଜେପି, ରାଜ୍ୟର ସବୁ ଜିଲ୍ଲା ଓ ଉପଖଣ୍ଡରେ କାଲିଠୁ ଜନଜାଗରଣ ଓ ବିକ୍ଷୋଭ କରିବ । ଏଥିସହ ସପ୍ତାହବ୍ୟାପୀ ସବୁ ଥାନାରେ ଏତଲା ଦେବ ।
Kanak News is now on WhatsApp
Join and get latest news updates delivered to you via WhatsApp
ପ୍ରେସମିଟ କରି ବିଜେପି କହିଛି, ରାଜ୍ୟ ସରକାର ଚାବି ହଜିବା ନେଇ ଫୌଜଦାରୀ ମାମଲା ଦାଏର ନକରି ନ୍ୟାୟିକ ତଦନ୍ତ ଆଦେଶ ଦେବା, କେବଳ ଧର୍ମକୁ ଆଖିଠାର ଭଳି । ତେବେ ଘଟଣାର ବିଚାର ବିଭାଗୀୟ ତଦନ୍ତ ଆରମ୍ଭ ହୋଇଥିବା ବେଳେ ଏଫଆଇଆରର କିଛି ଅର୍ଥ ନାହିଁ, ବରଂ ଏହା କେବଳ ରାଜନୀତି ବୋଲି କହିଛି ବିଜେଡି । ଲୋକଙ୍କ ଭାବାବେଗ ସହ ଖେଳିବାକୁ ବିଜେପି ଚେଷ୍ଟା କରୁଛି ବୋଲି ବିଜେଡ଼ି ଅଭିଯୋଗ ଆଣିଛି ।