ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ମହାନଦୀ ଉପରେ ବ୍ୟାରେଜ୍ ନିର୍ମାଣ ନେଇ ଛତିଶଗଡ-ଓଡିଶା ମଧ୍ୟରେ ଲାଗି ରହିଥିବା ବିବାଦରେ ନୂଆ ଟ୍ୱିଷ୍ଟ ଆସିଛି । ଚିଠି ପାଇଥିବାର ପ୍ରମାଣ ମାଗୁଥିବା ବିଜେଡିକୁ ଆଜି ବିଜେପି ଦେଇଛି ଏକ ବଡ ପ୍ରମାଣ । ମହାନଦୀ ଉପରେ କେଲୋ ପ୍ରକଳ୍ପ ନେଇ ୨୦୦୮ରେ ଛତିଶଗଡ ସରକାର ଓଡିଶାକୁ ଚିଠି ଦେଇଥିଲେ । ଆଉ ଏହି ଚିଠିକୁ ରାଜ୍ୟ ଜଳସଂପଦ ବିଭାଗ ମୁଖ୍ୟ ଯନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଗ୍ରହଣ କରାଯାଇଥିବା ଆଜି ବିଜେପି ବିଧାୟକ ପ୍ରଦୀପ ପୁରୋହିତ ଦର୍ଶାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରାଜ୍ୟ ସରକାର ଗତ କିଛି ଦିନ ହେବ ବାରମ୍ବାର ଫାଙ୍କି ଆସୁଛନ୍ତି ଯେ ଏପରି କୌଣସି ଚିଠି ଛତିଶଗଡ ସରକାର ଦେଇନାହାନ୍ତି । ତେବେ ବିଭାଗୀୟ ମୁଖ୍ୟ ଯନ୍ତ୍ରୀଙ୍କ କାର୍ଯ୍ୟାଳୟକୁ ଚିଠି ମିଳିଥିବା ବିଜେପି ପ୍ରମାଣ ଦେବା ପରେ ଏବେ ପ୍ରଶ୍ନ ଉଠୁଛି ଯେ ରାଜ୍ୟ ସରକାର କଣ ରାଜ୍ୟବାସୀଙ୍କୁ ଅନ୍ଧାରରେ ରଖିବାକୁ ମିଥ୍ୟା ବୟାନବାଜୀ ଚଳାଇଛନ୍ତି । ଏନେଇ ଆମେ ବିଜେଡି ମୁଖପାତ୍ରଙ୍କ ପ୍ରତାପ ଦେବଙ୍କ ପ୍ରତିକ୍ରିୟା ଚାହିଁବାରୁ ସେ ପୁଣିଥରେ ଦୋହରାଇଥିଲେ ଯେ, ଆମେ ସେହି ଚିଠି ପାଇନାହୁଁ ।
ଏହା ସହ ବିଜେଡିର ବୟକଟ୍ : ମହାନଦୀ ଯୁଦ୍ଧରେ ଓଡିଶା ଦୁଇଭାଗ