ବିରୋଧୀଙ୍କୁ ଚକମା ଦେବାକୁ ବିଜେପିର ନୂଆ ପ୍ଲାନ ! ମାର୍ଗଦର୍ଶକ ସାଜିଛନ୍ତି ଅମିତ୍ ଶାହା ।
କନକବ୍ୟୁରୋ : ଦିନକୁ ଦିନ ପ୍ରଧାନମନ୍ତ୍ରୀଙ୍କୁ ନେଇ ସୋସିଆଲ ମିଡିଆରେ ଚର୍ଚ୍ଚା ବଢିବାରେ ଲାଗିଛି । ଏହାକୁ ଲକ୍ଷକରି ଭାରତୀୟ ଜନତା ପାର୍ଟି ନିଜକୁ ସୋସିଆଲ ମିଡିଆରେ ସକ୍ରିୟ କରିବାରେ ମଧ୍ୟ ଲାଗିଛି । ଯେଉଁମାନେ କି ବିରୋଧୀଙ୍କୁ ମୁହଁତୋଡ ଜବାବ ଦେଇପାରିବେ । ସେମାନଙ୍କୁ ଚିହ୍ନଟ କରି ସେମାନଙ୍କ ସହ ଏକ ସ୍ୱତନ୍ତ୍ର ବୈଠକ ମଧ୍ୟ ଏହା ମଧ୍ୟରେ ଆରମ୍ଭ କରିଛି ବିଜେପି । ଆଗାମୀ ସମୟରେ ଏଥିରେ ଅନେକ ଜନତାଙ୍କୁ ସାମିଲ କରାଯିବାର ଯୋଜନା ରହିଛି ବୋଲି ଦଳ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଦଳ ଭାବୁଛି କି ଏହା କରିବା ଦ୍ୱାରା ସରକାରଙ୍କ ଯୋଜନା ଲୋକମାନଙ୍କ ପାଖରେ ପହଞ୍ଚିବା ସହ ବିରୋଧୀମାନଙ୍କ ଅଭିଯୋଗକୁ ମଧ୍ୟ ଜବାବ ଦିଆଯାଇପାରିବ । ଗୁରୁବାର ଦିନ ବିଜେପିର ରାଷ୍ଟ୍ରୀୟ ସଭାପତି ଏହା ମଧ୍ୟରେ ପ୍ରାୟ ୪୦୦ ଜଣଙ୍କ ସହ ବୈଠକ କରିଥିବା ଜଣାପଡିଛି ।
ଏହି ବୈଠକରେ ଫେସବୁକରେ ୬୦୦୦ ଓ ଟୁଇଟରରେ ପ୍ରାୟ ୨୦୦୦ ଲୋକଙ୍କୁ ଆମନ୍ତ୍ରିତ କରାଯାଇଥିଲା । ଏହି ବୈଠକକୁ ଆସିଥିବା ସମସ୍ତ ସଦସ୍ୟଙ୍କୁ ଶାହା ଆଗକୁ ବଢିବାକୁ କହିବା ସହ ,ଯେପରି ବିଜେପିର ଜନସମର୍ଥ ବଢିବ ସେଥି ନିମିତ୍ତ ପରାମର୍ଶ ଦେଇଥିଲେ । ଏହା ସହ ଶାହା କହିଥିଲେ କି ୨୦୧୪ ନିର୍ବାଚନରେ ବିଜେପି ହିଁ ଅଧିକ ସକ୍ରିୟ ଥିଲା । କିନ୍ତୁ ବର୍ତ୍ତମାନ ସମୟରେ ଅନେକ ଦଳ ସୋସିଆଲ ମିଡିଆରେ ସକ୍ରିୟ ହେଲେଣି ତେଣୁ ଆମେ ମଧ୍ୟ ଆମର ଜନ ସମର୍ଥନ ବଢାଇବା ଆବଶ୍ୟକ ।
ମୋଦୀ ସରକାରର ଜନକଲ୍ୟାଣକାରୀ ଯୋଜନା ସବୁ ଲୋକମାନଙ୍କ ପାଖରେ ପହଞ୍ଚାଇ ହେବ ତାହା ଉପରେ ବେଶି ଧ୍ୟାନ ଦେବାର ଆବଶ୍ୟକତା ରହିଛି । କାରଣ ଏବେ ଜଣାପଡୁଛି କି ବିଜେପି ବିରୋଧରେ ସମସ୍ତ ବିରୋଧୀମାନେ ଏକାଠି ହୋଇ ନିର୍ବାଚନକୁ ଓହ୍ଲାୁୁଉଛନ୍ତି । ତେଣୁୂ ଆମେ ମାନେ ବି ଏଥିପ୍ରତି ସଜାଗ ହୋଇ କାମ କରିବାକୁ ପଡିବ ବୋଲି ଶାହା କହିଛନ୍ତି । ମୋର ବିଶ୍ୱାସ ଆପଣ ମାନେ ନିଶ୍ଚିତ ଭାବରେ ଆମ ସହ ମିଶି କିପରି ଭାବରେ ଆଗାମୀ ନିରବାଚନରେ ଦଳ ଭଲ ପ୍ରଦର୍ଶନ କରିବ ସେଥିପ୍ରତି ଆମେ ମାନେ କାମ କରିବାର ଆବଶ୍ୟକତା ରହିଛି ବୋଲି ଶାହା କହିଛନ୍ତି ।