ବିଜେପିକୁ ସୁପ୍ରିମକୋର୍ଟଙ୍କ କଡ଼ା କଥା ! କହିଲେ, ରାଲି ଅପେକ୍ଷା ଅଧିକ ଜରୁରୀ ପିଲାଙ୍କ ପରୀକ୍ଷା ।
କନକ ବ୍ୟୁରୋ: ପଶ୍ଚିମବଙ୍ଗ ବିଜେପିକୁ ସୁପ୍ରିମକୋର୍ଟଙ୍କ ଝଟକା । ଆସନ୍ତା ନିର୍ବାଚନୀ ପ୍ରଚାର ପାଇଁ ପଶ୍ଚିମବଙ୍ଗରେ ଡାକବାଜି ଯନ୍ତ୍ରର ବ୍ୟବହାର ନେଇ ବିଜେପିର ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ୬ ବର୍ଷ ପୂର୍ବେ ପଶ୍ଚିମବଙ୍ଗ ସରକାର ସ୍କୁଲ ପିଲାଙ୍କ ପରୀକ୍ଷା ସମୟରେ ହେବାକୁଥିବା କୌଣସି ନିର୍ବାଚନରେ ଅତ୍ୟଧିକ ଶବ୍ଦ କରୁଥିବା ଡ଼ାକବାଜି ଯନ୍ତ୍ରର ବ୍ୟବହାର କରିବା ନେଇ ରୋକ ଲଗାଇଥିଲେ । ଯାହାର ବିରୋଧ କରି ପଶ୍ଚିମବଙ୍ଗ ବିଜେପି ନେତାମାନେ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ । ଏହାକୁ ସିଧା ସିଧା ଖାରଜ କରିଦେଇଛନ୍ତି ମାନ୍ୟବର ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ଅପିଲକୁ ଖାରଜ କରି ସୁପ୍ରମକୋର୍ଟ କହିଛନ୍ତି ଯେ, ଆଗକୁ ନିର୍ବାଚନ ଆସୁଛି କିନ୍ତୁ ଏହା ପୂର୍ବରୁ ପିଲାମାନଙ୍କ ପରୀକ୍ଷା ମଧ୍ୟ ଆରମ୍ଭ ହେବ ତେଣୁ ନିର୍ବାଚନ ପ୍ରଚାର ଓ ରାଲି ଠାରୁ ସ୍କୁଲ ପିଲାଙ୍କ ପରୀକ୍ଷା ଅଧିକ ଗୁରୁତ୍ୱପୂର୍ଣ୍ଣ । ସେପଟେ ବିଜେପି ଦାଖଲ କରିଥିବା ପିଟିସନରେ କହିଛି, ପଶ୍ଚିମବଙ୍ଗରେ ତୃଣମୂଳ କଂଗ୍ରେସ ସରକାର ବିଜେପିକୁ ଜନସମର୍ଥନ ନମିଳୁ ବୋଲି ଏଭଳି ରାଜନୈତିକ ଗୋଟିଚାଳନା କରୁଛନ୍ତି । ଫେବୃୟାରୀ ଓ ମାର୍ଚ୍ଚ ମାସରେ ସ୍କୁଲ ପିଲାଙ୍କ ପରୀକ୍ଷା ଥିବାରୁ ସରକାର ଡାକବାଜି ଯନ୍ତ୍ର ଉପରେ ରୋକ୍ ଲଗାଇବା ଜରୁରୀ କିନ୍ତୁ ଏହାକୁ ସମ୍ପୂର୍ଣ୍ଣ ବ୍ୟାନ୍ କରିବା ନେଇ ଆପତ୍ତି ଉଠାଇଥିଛି ବିଜେପି ।
ଏହାକୁ ନେଇ ସୁପ୍ରିମକୋର୍ଟ ମୁଖ୍ୟ ବିଚାରପତି ରଞ୍ଜନ ଗୋଗେଇ କହିଛନ୍ତି ଯେ, ପଶ୍ଚିମବଙ୍ଗ ସରକାରଙ୍କ ପ୍ରଦୂଷଣ ନିୟନ୍ତ୍ରଣ ବୋର୍ଡ଼ ତରଫରୁ ୨୦୧୩ ବର୍ଷଠାରୁ ଏହି ନିୟମ କରାଯାଇଛି । ଯାହାକି ପ୍ରତି ବର୍ଷ ସ୍କୁଲ ପିଲାଙ୍କ ପରୀକ୍ଷା ସମୟରେ ଏହି ନିୟମ ଲାଗୁ ହେଉଛି । ସେହି ସମୟରେ କୌଣସି ନିର୍ବାଚନୀ ପ୍ରଚାର ଡାକବାଜି ଯନ୍ତ୍ର ବାଜିବ ନାହିଁ ବୋଲି ନୟମ ପାଳନ କରାଯାଉଛି ତେଣୁ ବିଜେପିର ଆବେଦନକୁ ଖାରଜ କରିଦେଇଛନ୍ତି ମୁଖ୍ୟ ବିଚାରପତି ।