କନକ ବ୍ୟୁରୋ : ବିଜେପିକୁ ଝଟକା । କଂଗ୍ରେସରେ ସାମିଲ ହେଲେ ଯଶୋବନ୍ତ ସିଂହଙ୍କ ପୁଅ ମାନବେନ୍ଦ୍ର ସିଂହ । ବିଜେପି ସଂସ୍ଥାପକ ସଦସ୍ୟ ରହିଥିବା ଯଶୋବନ୍ତ ସିଂହଙ୍କ ପୁରା ପରିବାର କଂଗ୍ରେସରେ ସାମିଲ ହୋଇଛନ୍ତି । ରାଜସ୍ଥାନ ମାରବାଡ ଅଂଚଳରେ ଯଶୱନ୍ତଙ୍କୁ ପରିବାରକୁ ରାଜନୀତିରେ ବେଶ ପ୍ରଭାବଶାଳୀ ଭାବେ ବିଚାର କରାଯାଏ । କିନ୍ତୁ ବର୍ତ୍ତମାନ ତାଙ୍କ ପରିବାରର ସମସ୍ତ ସଦସ୍ୟ କଂଗ୍ରେସ ସାମିଲ ହେବାକୁ ବିଜେପି ପାଇଁ ଏକ ବଡ ଝଟକା ବୋଲି କୁହାଯାଉଛି । କଂଗ୍ରେସରେ ସାମିଲ ହେବା ପରେ ଏକ ପ୍ରେସ କନଫରେନ୍ସ କରାଯାଇ ସବିଶେଷ ସୂଚନା ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ବାଜପେୟୀ ସରକାରରେ ମନ୍ତ୍ରୀ ଥିବା ସ୍ୱର୍ଗତ ଯଶୋବନ୍ତ ସିଂଙ୍କ ପୁତ୍ର ତଥା ବାରମେର ବିଧାନସଭା ନିର୍ବାଚନ ମଣ୍ଡଳୀରୁ ୨୦୧୩ରେ ବିଜେପି ଟିକେଟରେ ଜିତିଥିବା ମାନବେନ୍ଦ୍ର ସିଂ ଆଜି କଂଗ୍ରେସରେ ମିଶିଛନ୍ତି । ଏହି ଅବସରରେ କଂଗ୍ରେସ ନେତା ସଚିନ ପାଇଲଟ ଓ ପୂର୍ବତନ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେଲହୋଟ ଉପସ୍ଥିତ ଥିଲେ । ମାନବେନ୍ଦ୍ର ବିଜେପି ଛାଡି କଂଗ୍ରେସରେ ମିଶିବା ଫଳରେ ତାହା ରାଜପୁତ ଭୋଟ ଆକୃଷ୍ଟ କରିବାରେ ସହାୟକ ହେବା ଆଶା କରାଯାଉଛି । କିନ୍ତୁ ସେ କଂଗ୍ରେସରେ ମିଶିବା ଦ୍ୱାରା ବିଜେପି ଉପରେ କୌଣସି ପ୍ରଭାବ ପଡିବ ନାହିଁ ବୋଲି ସେ କହିଛନ୍ତି । ଗତ ସେପ୍ଟେମ୍ବର ୨୨ରେ ମାନବେନ୍ଦ୍ର ଘୋଷଣା କରିଥିଲେ ଯେ ସେ ଆତ୍ମସମ୍ମାନ ପାଇଁ ବିଜେପି ତ୍ୟାଗ କରି କଂଗ୍ରେସରେ ମିଶିବେ । କମଲ କା ଫୁଲ ବଡି ଭୁଲ ବୋଲି ସେ କହିଥିଲେ । ବିଜେପି ନେତୃତ୍ୱ ତାଙ୍କ ଚିନ୍ତା ଦୂର କରିବାକୁ ବିଫଳ ହେବା ପରେ ସେ ବାଧ୍ୟ ହୋଇ ଦଳ ତ୍ୟାଗ କରିବାକୁ ନିଷ୍ପତ୍ତି ନେଇଥିବା କହିଥିଲେ ।