ଆଜି ବସିବ ବିଜେପିର ଗୁରୁତ୍ୱପୂର୍ଣ୍ଣ ସଂସଦୀୟ ଦଳ ବୈଠକ : ପ୍ରଥମ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ଆସିପାରେ ପ୍ରଥମ ପ୍ରାର୍ଥୀ ତାଲିକା
କନକ ବ୍ୟୁରୋ : ଆଜି ବସୁଛି ବିଜେପିର ଗୁରୁତ୍ୱପୂର୍ଣ୍ଣ ସଂସଦୀୟ ଦଳ ବୈଠକ । ଏହ ବୈଠେକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିଜେପି ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହଙ୍କ ସମେତ ଅନେକ ଦିଗ୍ଗଜ ନେତା ସାମଲି ହେବେ । ଲୋକସଭା ନିର୍ବାଚନ ପାଇଁ ଆଜି ବିଜେପି ପ୍ରଥମ ପ୍ରାର୍ଥୀ ତାଲିକା ଜାରି କରିପାରେ । ସୂଚନା ଅନୁୁସାରେ ପ୍ରଥମ ତାଇିକାରେ ପ୍ରଥମ ପର୍ଯ୍ୟାୟ ଆଶୟୀ ପ୍ରାର୍ଥୀଙ୍କ ନାମ ଘୋଷଣା ହୋଇପାରେ । ୧୧ ଏପ୍ରିଲରେ ୯୧ ସିଟ୍ ପାଇଁ ମତଦାନ ହେବ ।
Kanak News is now on WhatsApp
Join and get latest news updates delivered to you via WhatsApp
ଏହି ତାଲିକାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ରାଜନାଥ ସିଂହ, ନିତିନ ଗଡକରୀ, ସଦାନନ୍ଦ ଗୌଡା, ରାଧାମୋହନ ସିଂହଙ୍କର ଆସନରୁ ଘୋଷଣା ହୋଇପାରେ । ଯେଉଁଥିପାଇଁ ବିଜେପି ନିଜର ଆଶାୟୀପ୍ରାର୍ଥୀଙ୍କର ନାଁ ଘୋଷଣା କରିବା ବାକି ରହିଛି । ତେବେ ପ୍ରଥମ ଚରଣରେ ଉତ୍ତରପ୍ରଦେଶର ବି ୮ଟି ଆସନ ପାଇଁ ନିର୍ବାଚନ ହେବ । ଯେଉଁଥିପାଇଁ ଉଭୟ ସାମଜବାଦୀ ପାର୍ଟି ଏବଂ କଂଗ୍ରେସ ଏଯାବତ୍ ନିଜର ଅନେକ ଆଶାୟୀ ପ୍ରାର୍ଥୀଙ୍କ ନାଁ ଘୋଷଣା କରିସାରିଲେଣି ।
ମିଳିଥିବା ସୂଚନା ଅନୁସାରେ କମିଟିର ବୈଠକରେ ସର୍ବପ୍ରଥମେ ପଶ୍ଚିମ ଉତ୍ତର ପ୍ରଦେଶର ଆସନ ଉପରେ ନିଷ୍ପତ୍ତି ନିଆଯାଇପାରେ । ଏଥିରେ ନୋଏଡା, ଗାଜିଆବାଦ, ଗୌତମ ବୁଦ୍ଧ ନଗର, ବାଗପତ, ବିଜନୌର, କୈରାନା, ସାହାରାନପୁର, ମୁଜାଫରନଗର ଏବଂ ମେରଠ ସାମିଲ ଅଛି । ସେହିପରି ବିହାରର ୪ ଆସନ- ଔରଙ୍ଗାବାଦ, ଗୟା, ଜମୁଇ ଏବଂ ନୱାଦା ପାଇଁ ମଧ୍ୟ ପ୍ରଥମ ପର୍ୟ୍ୟାୟରେ ମତଦାନ ହେବ । ମାତ୍ର ବିହାରରେ ଏବେବି ଏନଡିଏ ସିଟ ଆବଣ୍ଟନ ନେଇ ଔପଚାରିକ ଘୋଷଣା କରି ନାହିଁ । ଏହାବ୍ୟତୀତ ଆନ୍ଧ୍ରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର, ପଶ୍ଚିମବଙ୍ଗ, ଓଡ଼ିଶା ଓ ଆସାମରେ ମଧ୍ୟ ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ । ଏହି ସିଟ୍ ଗୁଡ଼ିକ ପାଇଁ ମଧ୍ୟ ପ୍ରାର୍ଥୀ ଘୋଷଣା ହୋଇପାରେ ।