ମାଲକାନଗିରି : ଜାପାନୀ ଏନ୍ସେଫାଲାଇଟିସରେ ୪୩ଜଣଙ୍କ ମୃତ୍ୟୁ ଘଟିଥିବା ସରକାର କହୁଥିବା ବେଳେ ପ୍ରକୃତରେ ୭୫ଜଣଙ୍କ ମୃତ୍ୟୁ ଘଟିଛି ବୋଲି ଆଜି ବିଜେପି ଅଭିଯୋଗ କରିଛି । ବିଜେପି ପ୍ରତିନିଧିଦଳ ମାଲକାନଗିରି ଗସ୍ତ କଲା ପରେ ଏଭଳି ଅଭିଯୋଗ ଆଣିଛି।
Kanak News is now on WhatsApp
Join and get latest news updates delivered to you via WhatsApp
ଏଥିସହ ବିଜେପି ଟିମ୍ ଅଭିଯୋଗ କରିଛି ଯେ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ୩୩ଟି ଡାକ୍ତର ପଦବି ରହିଥିବା ବେଳେ ମାତ୍ର ୭ ଜଣ ଡାକ୍ତରରେ ଲୋକଙ୍କ ଚିକିତ୍ସା ଚାଲିଛି। ପ୍ରତିନିଧିଦଳରେ ସାମିଲ ହୋଇଥିବା ବିଜେପି ନେତ୍ରୀ ତଥା ପୂର୍ବତନ ମନ୍ତ୍ରୀ ସୁରମା ପାଢ଼ୀ କହିଛନ୍ତି- ମାଲକାନଗିରି ଜିଲ୍ଲାରେ ୧୧୫ ଡାକ୍ତର ପଦବି ରହିଥିବା ବେଳେ ମାତ୍ର ୫୨ଜଣ ଡାକ୍ତରରେ କାମ ଚାଲିଛି।
ସରକାର ସେହି ଅଂଚଳକୁ ୫୦ ହଜାର ମଶାରୀ ପଠାଇଥିବା କହୁଥିବା ବେଳେ ମାତ୍ର ୩ ହଜାର ମଶାରୀ ଲୋକଙ୍କ ପାଖରେ ପହଂଚିଛି । ଗୋଟିଏ ଗୋଟିଏ ଘରେ ୭/୮ଜଣ ରହୁଥିବାବେଳେ ଗୋଟିଏ ମଶାରୀରେ କ’ଣ ହୋଇପାରିବ ବୋଲି ପ୍ରଶ୍ନ କରିଛନ୍ତି ସୁରମା । ତେବେ ଅନ୍ୟପଟରେ ଏହି ପରିସ୍ଥିତିର ମୁକାବିଲା ଦାୟିତ୍ୱ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କର । ଏଥିରେ ରାଜନୀତି କରାଯିବା ଉଚିତ ନୁହେଁ ବୋଲି କହିଛନ୍ତି ବିଜେଡି ମୁଖପାତ୍ର ଅମର ଶତପଥୀ।
ଏହା ସହ ଦେଖନ୍ତୁ ଏହି ଭିଡିଓ –