କନକ ବ୍ୟୁରୋ: ରାଜ୍ୟବ୍ୟାପି ଆନ୍ଦୋଳନ କରିବ ବିଜେପି ଯୁବ ମୋର୍ଚ୍ଚା । ବେରୋଜଗାରଙ୍କୁ ନିଯୁକ୍ତି ଦାବି ଏବଂ ବିଭିନ୍ନ ସମସ୍ୟାନେଇ ଯୁବକଙ୍କ ହକ୍ ପାଇଁ ଶାସକଦଳ ବିରୋଧରେ ଗର୍ଜିବ ବିଜେପି ଯୁବମୋର୍ଚ୍ଚା । ଏନେଇ ବିଜେପି ଯୁବମୋର୍ଚ୍ଚା ସଭାପତି ଟଙ୍କଧର ତ୍ରିପାଠୀ କହିଛନ୍ତି ଯେ, ପୂର୍ବରେ ବିଭିନ୍ନ ସମୟରେ ବିଜେପି ଯୁବମୋର୍ଚ୍ଚା ଆନ୍ଦୋଳନ କରିଆସିଛି । କିନ୍ତୁ ସରକାର ରୋଜଗାର ପାଇଁ କିଛି ପଦକ୍ଷେପ ନେଉନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ବିଜେପି ଯୁବମୋର୍ଚ୍ଚା ସଭାପତି ବିଜେଡିର ବଲାଙ୍ଗୀର ଯୁବ ସମାବେଶକୁ ମଧ୍ୟ ଟାର୍ଗେଟ କରି ବଲାଙ୍ଗୀର ଯୁବକ ଯୁବତୀମାନଙ୍କ ରୋଜଗାର ପାଇଁ କଣ କରିଛନ୍ତି ରାଜ୍ୟ ସରକାର ? ବିଜୁ ଯୁବ ବାହିନୀ ନାଁରେ ଦଳୀୟ ସମାବେଶ କରୁଛନ୍ତି । ବିଜୁ ଯୁବ ବାହିନୀର କର୍ମକର୍ତ୍ତାମାନଙ୍କୁ ସିଙ୍ଗାପୁର ବୁଲେଇନେବାକୁ ଯୋଜନା କରୁଛନ୍ତି ବୋଲି ଅଭିଯୋଗର ଫର୍ଦ୍ଧ ଖୋଲିଛନ୍ତି ବିଜେପି ।
ସେପଟେ ବିଜେଡି ମଧ୍ୟ ଏହାର କଡ଼ା ଜବାବ୍ ରଖିଛି । ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି ଯେ, କେନ୍ଦ୍ର ସରକାରଙ୍କ ନେତାମାନେ ସରକାରୀ ଖର୍ଚ୍ଚରେ ଗତ ୪,୫ ବର୍ଷ ଭିତରେ ସାଢେ ୫ହଜାର କୋଟିରୁ ଅଧିକ ଟଙ୍କା ଖର୍ଚ୍ଚ କରିଛନ୍ତି ଏହା ସଂସଦର ଉତ୍ତର କହୁଛି । କେନ୍ଦ୍ର ସରକାରଙ୍କ ମୁଖା ଖୋଲିବାକୁ ଯଦି ବିଜେଡି ଦିଲ୍ଲୀ ଯାଉଛି ଏହା ବିଜେପିକୁ ଭାରି ବାଧିଯାଉଛି ବୋଲି କହି କଟାକ୍ଷ କରିଛନ୍ତି ସସ୍ମିତ । ଆପଣଙ୍କ ନେତା ହଜାର ହଜାର କୋଟି ଟଙ୍କା ଖର୍ଚ୍ଚ କରି ବୁଲିବାକୁ ଯାଉଛନ୍ତି । ବଡ ବଡିଆ ବୁଲିବାକୁ ଗଲେ ଭଲ । ସାଧାରଣ ଲୋକ ବୁଲିବାକୁ ଗଲେ କାହିଁକି ବାଧୁଛି ବୋଲି ପ୍ରଶ୍ନ କରିଛି ବିଜେଡ଼ି ।