ବିଜେପି ଟାର୍ଗେଟରେ ବିଜେଡି ! ନିର୍ବାଚନ ପୂର୍ବରୁ ‘କାଳିଆ’ ଯୋଜନା ନେଇ ବିଜେପିର ଅଭିଯୋଗ, କହିଲେ ଯୋଜନାରେ ଚାଷୀଙ୍କୁ ମିଳୁନି ପଇସା ।
କନକ ବ୍ୟୁରୋ: ନିର୍ବାଚନ ପୂର୍ବରୁ ଶାସକ ବିଜେଡିକୁ ବ୍ୟାକଫୁଟକୁ ଠେଲିବାକୁ ବିଜେପିର ରଣନୀତି । ‘କାଳିଆ’ ଯୋଜନା ଜରିଆରେ ବିଜେଡିକୁ ନିଶାନା କରି ବିଜେପି ଆଣିଲା ଅଭିଯୋଗ । ତେବେ ବିଜେପି ଅଭିଯୋଗ କରିଛି ଯେ ‘କାଳିଆ’ ଯୋଜନାରେ ଶାସକ ବିଜେଡି ବିଜ୍ଞାପନ ମାରି କହୁଛନ୍ତି କି ରାଜ୍ୟରେ ୩୬ ଲକ୍ଷ ଚାଷୀ କାଳିଆ ଯୋଜନାରେ ଅର୍ଥ ପାଇସାରିଲେଣି । ହେଲେ ବାସ୍ତବରେ ବ୍ୟାଙ୍କ ଖାତାକୁ ଆଦୌ ପଇସା ଆସୁନି । ମେସେଜ ଆସିବାର ୫୦ ଦିନରୁ ଅଧିକ ଦିନ ବିତିଗଲା ପରେ ବି ଏଯାଏଁ ଚାଷୀମାନଙ୍କୁ ପଇସା ମିଳିନି ବୋଲି ସାମ୍ବାଦିକ ସମ୍ମିନଳୀରେ କହିଛନ୍ତି ରାଜ୍ୟ ବିଜେପି କୃଷକ ମୋର୍ଚ୍ଚା ସାଧାରଣ ସମ୍ପାଦକ ସୁରଥ ବିଶ୍ୱାଳ ।
Kanak News is now on WhatsApp
Join and get latest news updates delivered to you via WhatsApp
ଏପରିକି ରାଜ୍ୟ ସରକାର ୩୬ ଲକ୍ଷ ଚାଷୀଙ୍କୁ କାଳିଆ ଯୋଜନାରେ ଅର୍ଥ ମିଳିଥିବା ଦାବି କରୁଥିବାବେଳେ ସେମାନଙ୍କର ତାଲିକା ବି ଦେଉନାହାନ୍ତି । ଯାହା ଜଣାପଡୁଛି କାଳିଆ ଯୋଜନାରେ ଚାଷୀଙ୍କୁ ମିଳିବାକୁ ଥିବା ଅର୍ଥକୁ ହରିଲୁଟ କରାଯାଇଛି ବୋଲି ଅଭିଯୋଗ ଆଣିଛି ବିଜେପି ।
ମୁଖ୍ୟମନ୍ତ୍ରୀ ସାରା ଓଡିଶା ଯାକ ବୁଲି ବୁଲି କାଳିଆ ଯୋଜନାର ସଭା କରି କାଳିଆ ଯୋଜନାରେ ଟଙ୍କା ଦିଆଗଲା ବୋଲି ଘୋଷଣା କଲେ । ଏହାସହ କାଳିଆ ଯୋଜନା ଘୋଷଣା ବେଳେ ରାଜ୍ୟ ସରକାର ଘୋଷଣା କରିଥିଲେ କାଳିଆ ଟଙ୍କା ୫୭ ଲକ୍ଷ ଚାଷୀଙ୍କୁ ମିଳିବ । ହେଲେ କାଳିଆ ଯୋଜନାରେ ବାସ୍ତବରେ କେତେ ଚାଷୀ ଅର୍ଥ ପାଇଲେ ତାହା ଏବେ ବି ଅନ୍ଧାରରେ । ତେଣୁ ଓଡିଶାର ଚାଷିମାନଙ୍କୁ ମୁଖ୍ୟମନ୍ତ୍ରୀ ଓ ବିଜୁ ଜନତା ଦଳ ଆଉ କେତେ ଦିନ ଠକିବେ ବୋଲି ପ୍ରଶ୍ନ କରିଛି ବିଜେପି ।