ନବ ନିର୍ବାଚିତଙ୍କୁ ନବୀନଙ୍କ ଟିପ୍ସ । ନିଜ ଅନୁଭୂତିକୁ ଉଦାହରଣ ଦେଇ ବିଧାୟକଙ୍କୁ ଦେଲେ ଗୁରୁମନ୍ତ୍ର ।
ଦଳୀୟ ଭିତ୍ତିରେ କୌଣସି ବାଛ-ବିଚାର କରନ୍ତୁ ନାହିଁ । ବିଧାୟକ ହେଉ ଅବା ମୁଖ୍ୟମନ୍ତ୍ରୀ ମୁଁ ଏହି ନୀତିକୁ ପାଳନ କରିଆସୁଛି ଯାହାକୁ ଆପଣମାନେ ପାଳନ କରନ୍ତୁ ବୋଲି ନବ ନିର୍ବାଚିତ ବିଧାୟକମାନଙ୍କୁ କହିଛନ୍ତି ନବୀନ ।
କନକ ବ୍ୟୁରୋ: ନବ ନିର୍ବାଚିତ ବିଧାୟକଙ୍କୁ ନବୀନଙ୍କ ଟିପ୍ସ । ଦୁର୍ନୀତି ଠାରୁ ଦୂରେଇ ରହି ସରଳ ଓ ନମ୍ର ହେବାକୁ ପରାମର୍ଶ ଦେଲେ ନବୀନ । ୨୦୦୦ ମସିହାର ଅନୁଭୂତିର ଉଦାହରଣ ଦେଇ ନବ ନିର୍ବାଚିତ ବିଧାୟକମାନଙ୍କୁ ନବୀନ ନିବାସରେ ଗୁରୁମନ୍ତ୍ର ଦେଇଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । କହିଛନ୍ତି କି, “ମୁଁ ପ୍ରଥମ କରି ବିଧାୟକଭାବେ ନିର୍ବାଚିତ ହେବାପରେ ମୋ ନିର୍ବାଚନମଣ୍ଡଳୀର ବିଡ଼ିଓମାନଙ୍କୁ ଡାକି କହିଥିଲ, ଆପଣମାନେ କାର୍ଯ୍ୟକ୍ଷେତ୍ରରେ କୌଣସି ଭୟ ଓ ଅନୁଗ୍ରହ ପ୍ରଦର୍ଶନ ନକରି ସବୁ ଲୋକଙ୍କ ପାଇଁ କାମ କରନ୍ତୁ । ଦଳୀୟ ଭିତ୍ତିରେ କୌଣସି ବାଛ-ବିଚାର କରନ୍ତୁ ନାହିଁ । ବିଧାୟକ ହେଉ ଅବା ମୁଖ୍ୟମନ୍ତ୍ରୀ ମୁଁ ଏହି ନୀତିକୁ ପାଳନ କରିଆସୁଛି ଯାହାକୁ ଆପଣମାନେ ପାଳନ କରନ୍ତୁ ବୋଲି ନବ ନିର୍ବାଚିତ ବିଧାୟକମାନଙ୍କୁ କହିଛନ୍ତି ନବୀନ ।
Kanak News is now on WhatsApp
Join and get latest news updates delivered to you via WhatsApp
ଲୋକଙ୍କ ପାଖରେ ଉତ୍ତମ ସେବା ପହଞ୍ଚାଇବା ପାଇଁ କାର୍ଯ୍ୟଶୈଳୀ ସମ୍ପର୍କରେ ନବ ନିର୍ବାଚିତ ବିଧାୟକଙ୍କ ସହ ଆଲୋଚନା କଲି। ଦଳୀୟ ରାଜନୀତିରୁ ଉର୍ଦ୍ଧ୍ବକୁ ଯାଇ ସବୁ ବର୍ଗର ଲୋକଙ୍କ ପାଇଁ କାମ କରିବା ବିଜୁ ବାବୁଙ୍କ ପରିଚୟ ଥିଲା। ମୁଁ ବିଧାୟକ ଭାବେ ହେଉ ଅବା ମୁଖ୍ୟମନ୍ତ୍ରୀ, ସବୁବେଳେ ନିଷ୍ଠାର ସହିତ ଏହି ନୀତିକୁ ପାଳନ କରି ଆସିଛି। pic.twitter.com/49tzgFF9jU
— Naveen Patnaik (@Naveen_Odisha) July 3, 2019
ଏପରିକି ନବୀନ ତାଙ୍କ ବାପା ବିଜୁ ପଟ୍ଟନାୟକଙ୍କ ଉଦାହରଣ ମଧ୍ୟ ଦେଇଛନ୍ତି । କହିଛନ୍ତି, ବିଜୁ ବାବୁଙ୍କ ପରିଚୟ ଥିଲା ଦଳୀୟ ରାଜନୀତିରୁ ଉଦ୍ଧ୍ୱର୍କୁ ଯାଇ ସବୁ ବର୍ଗର ଲୋକମାନଙ୍କୁ ସାହାଯ୍ୟ ଓ ସେମାନଙ୍କ ପାଇଁ କାମ କରିବା । ମୁଁ ମୋ ଅନୁଭୂତି କହୁଛିଳ ଆପଣମାନେ ଯଦି ଦୁର୍ନୀତି ଠାରୁ ଦୂରରେ ରହି ଲୋକଙ୍କ କାର୍ଯ୍ୟ କରନ୍ତି ତେବେ ଆପଣମାନେ ବାରମ୍ବାର ନିର୍ବାଚିତ ହେଉଥିବେ । ଆଉ ଯଦି କେବଳ ନିର୍ବାଚନକୁ ଦୃଷ୍ଟିରେ ରଖି ଆପଣମାନେ ଲୋକଦେଖାଣିଆ କାର୍ଯ୍ୟ କରିବେ ତାହାହେଲେ ବିପରୀତ ପରିଣାମ ହେବ ।
ସବୁଠାରୁ ଗୁରୁପୂର୍ଣ୍ଣ ଦିଗ ଉପରେ ଫୋକସ ଦେବାକୁ ବିଧାୟକମାନଙ୍କୁ ନବୀନ କହିଛନ୍ତି । ସାଧାରଣ ଜୀବନରେ ସରଳତା ହିଁ ଜଣେ ଭଲ ନେତାର ପରିଚୟ । କାରଣ ଲୋକମାନେ ସରଳତାକୁ ପସନ୍ଦ କରିଥାନ୍ତି, ଯଦି ଜଣେ ଅହଂକାରୀ ଓ ବିଳାସପୂର୍ଣ୍ଣ ଜୀବନଯାପନ କରେ ତେବେ ଏହା ସାଧାରଣ ଲୋକ ଏବଂ ତାଙ୍କ ପ୍ରତିନିଧିଙ୍କ ମଧ୍ୟରେ ଦୂରତା ସୃଷ୍ଟି ହେବ । ତେଣୁ ଅପାଣମାନେ ଲୋକମାନଙ୍କର ଆମ ଉପରେ ଥିବା ଆସ୍ଥା ଓ ବିଶ୍ୱାସକୁ ଅତୁଟ ରଖିବା ପାଇଁ ପରିଶ୍ରମ କରନ୍ତୁ ବୋଲି ନବ ନିର୍ବାଚତ ବିଧାୟକମାନଙ୍କୁ ଟିପ୍ସ ଦେଇଛନ୍ତି ବିଜେଡି ସୁପ୍ରିମୋ ।