କନକ ବ୍ୟୁରୋ: ତେଲ ଦର ଓ ଗ୍ୟାସ ଦରରେ ଲାଗିଛି ନିଆଁ । ଲଗାତାର ପେଟ୍ରୋଲ ଡିଜେଲ ଦର ବୃଦ୍ଧିକୁ ନେଇ ବିଜେଡିର ପ୍ରେସମିଟ୍ । କେନ୍ଦ୍ର ସରକାରଙ୍କ ଉପରେ ସାମ୍ବାଦିକ ସମ୍ମିଳନୀରେ ବର୍ଷିଛି ବିଜେଡ଼ି । ବିଜେଡ଼ି ନେତା ସଂଜୟ ଦାସ ବର୍ମା କହିଛନ୍ତି ୨୦୧୪ ତୁଳନାରେ କେନ୍ଦ୍ର ସରକାର ପେଟ୍ରୋଲ ଉପରେ ଏକସାଇଜ ଡ୍ୟୁଟୀ ୧୧୧ ପ୍ରତିଶତ ବଢାଇଛନ୍ତି । ତେଣୁ ଅହେତୁକ ଭାବେ ତେଲ ଦର ବୃଦ୍ଧି ପାଇବାରେ ଲାଗିଛି । ଏନେଇ ବିଜେଡ଼ି ଆସନ୍ତା ଅକ୍ଟୋବର ୧ ତାରିଖରୁ ଆନ୍ଦୋଳନ କରିବ । ବିଜେଡ଼ି ଯୁବ, ମହିଳା ଓ ଛାତ୍ର ସଂଗଠନ ଏହି ଆନ୍ଦୋଳନରେ ସାମିଲ ହେବେ ବୋଲି କହିଛି ବିଜେଡ଼ି । ଆସନ୍ତା ଅକ୍ଟୋବର ୧ ତାରିଖରେ ରାଜଭବନ ସମ୍ମୁଖରେ ପ୍ରତିବାଦ କରିବ ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ତେବେ ଡିଜେଲ ଲିଟର ପିଛା ୧୨୦ରେ ପହଁଚାଇ ଓଡ଼ିଶାରେ ବିଜେପି ତା’ର ୧୨୦ ମିଶନ ପୂରା କରିବ ବୋଲି କଟାକ୍ଷ କରିଛି ବିଜେଡ଼ି । କେନ୍ଦ୍ର ସରକାର ତୈଳ ଦର କମାଇବାକୁ ଆନ୍ତରିକତା ପ୍ରକାଶ କରୁ ନାହାନ୍ତି । ଅନ୍ତର୍ଜାତୀୟ ବଜାରରେ ଅଶୋଧିତ ତେଲ ଦର ବୃଦ୍ଧି ଯୋଗୁଁ ପେଟ୍ରୋଲ ଡିଜେଲ ମହଙ୍ଗା ହେଉଥିବା କେନ୍ଦ୍ର ସରକାର ଓଲଟା ଯୁକ୍ତି ବାଢୁଥିବା ବିଜେଡି ଅଭିଯୋଗ କରିିଛି । ଏନେଇ ପୂର୍ବରୁ ବାରମ୍ବାର ବିଜେଡ଼ି ସ୍ୱର ଉତ୍ତେ।ଳନ କରିଥିଲେ ମଧ୍ୟ କେନ୍ଦ୍ର ସରକାରଙ୍କ ଚେତା ପଶୁନି । କେନ୍ଦ୍ରରେ ବିଜେପି ନେତୃତ୍ୱାଧୀନ ସରକାର ଅପାରଗ ଏବଂ ସ୍ଥାଣୁ ବୋଲି ୪ ବର୍ଷରେ ସବୁ କ୍ଷେତ୍ରରେ ଆକାଶ ଛୁଆଁ ହୋଇଛି ଦର ।