କନକ ବ୍ୟୁରୋ : ବଦଳିଲେ ବିଜେଡିର ଯୁବ ଓ ଛାତ୍ର ସଭାପତି । ଛାତ୍ର ବିଜେଡିର ମଙ୍ଗୁଆଳ ରାଣା ପ୍ରତାପ ପାତ୍ର ହୋଇଥିବାବେଳେ ଯୁବ ସଂଗଠନ ସମ୍ଭାଳିବେ ଅମରେଶ ପତ୍ରୀ । ୭ ବର୍ଷ ଧରି ବିଜୁ ଯୁବ ଜନତା ଦଳକୁ ନେତୃତ୍ୱ ନେଇଥିଲେ ଖାଦ୍ୟ ଯୋଗାଣ ମନ୍ତ୍ରୀ ସଂଜୟ ଦାସବର୍ମା । ସେହିପରି ୨୦୧୨ ମସିହାରୁ ଛାତ୍ର ସଂଗଠନ ସମ୍ଭାଳୁଥିଲେ ଚାନ୍ଦବାଲି ବିଧାୟକ ବ୍ୟୋମକେଶ ରାୟ ।
Kanak News is now on WhatsApp
Join and get latest news updates delivered to you via WhatsApp
ରାଣାପ୍ରତାପ ୨୦୦୫ ବିଜେବି କଲେଜ ଛାତ୍ର ସଂସଦ ସଭାପତି ଥିବାବେଳେ ୨୦୦୧ ମସିହାରେ ଅମରେଶ ପତ୍ରୀ ମହର୍ଷି କଲେଜ ଛାତ୍ର ସଂସଦ ସଭାପତି ଥିଲେ । ୩୭ ବର୍ଷିୟ ଅମରେଶ ଭୁବନେଶ୍ୱର ଛାତ୍ର ବିଜେଡି ସଭାପତି, ରାଜ୍ୟ ଛାତ୍ର ବିଜେଡିର ସଂପାଦକ, ସାଧାରଣ ସଂପାଦକ ଓ ଉପ-ସଭାପତିି ଦାୟିତ୍ୱ ତୁଳାଇଥିଲେ । ସେହିପରି ୩୨ ବର୍ଷିୟ ରାଣା ମଧ୍ୟ ଭୁବନେଶ୍ୱର ଜିଲ୍ଲା ବିଜେଡି ସଭାପତି ଦାୟିତ୍ୱରେ ଥିଲେ । ନୂତନ ନିଯୁକ୍ତି ପାଇବା ପରେ ରାଜ୍ୟର ଛାତ୍ର ଓ ଯୁବକମାନଙ୍କୁ ଏକ ସ୍ରୋତରେ ସାମିଲ କରିବେ ବୋଲି ଉଭୟ ନେତା କହିଛନ୍ତି ।