କନକ ବ୍ୟୁରୋ : ଆରମ୍ଭ ହୋଇଛି ବିଜେଡିର ପଦଯାତ୍ରା । ଭୁବନେଶ୍ୱର ସାମନ୍ତରାପୁର ନୂଆଗାଁରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ପଦଯାତ୍ରା ଶୁଭାରମ୍ଭ କରିଛନ୍ତି । ଏହାସହ ଏହି ପଦଯାତ୍ରା ସମସ୍ତ ଜିଲ୍ଲାରେ ଆରମ୍ଭ ହୋଇଛି । ବିଜେଡିର ଏହି କାର୍ଯ୍ୟକ୍ରମ ମାସେ ଧରି ଚାଲିବ ।
Kanak News is now on WhatsApp
Join and get latest news updates delivered to you via WhatsApp
ପ୍ରତିବର୍ଷ ଗାନ୍ଧୀ ଜୟନ୍ତୀ ଠାରୁ ଜୟପ୍ରକାଶ ଜୟନ୍ତୀ ପର୍ଯ୍ୟନ୍ତ ଏହି ପଦଯାତ୍ରା କରୁଥିବା ବିଜେଡି ଚଳିତ ବର୍ଷ ଏହାକୁ ଏକମାସ ଧରି ଜାରି ରଖିବ । ଏଥିପାଇଁ ସମସ୍ତ ନିର୍ବାଚନ ମଣ୍ଡଳୀରେ ୧୪୭ ଜଣ ପର୍ଯ୍ୟବେକ୍ଷକ ନିଯୁକ୍ତ କରିଛି ଦଳ । ପଦଯାତ୍ରା ସମୟରେ ମହାନଦୀ, ପୋଲାଭରମ , କେନ୍ଦ୍ରୀୟ ଅବହେଳା, କେନ୍ଦ୍ରୀୟ ଅନୁଦାନ ହ୍ରାସ ଓ ରାଜ୍ୟ ସରକାରଙ୍କ ସଫଳଯୋଜନା ସଂପର୍କରେ ଲୋକଙ୍କୁ ଦଳ ଜଣାଇବ । ଆଗାମୀ ଦିନରେ ପଂଚାୟତ ନିର୍ବାଚନ ଥିବାରୁ ଦଳ ଏହି ପଦଯାତ୍ରାକୁ ଲୋକସଂପର୍କର ମୁଖ୍ୟ ମାଧ୍ୟମ କରିଥିବା କୁହାଯାଉଛି ।