କନକ ବ୍ୟୁରୋ : ବିଜେଡି ନେତା ଅଭିମନ୍ୟୁ ସାହୁ ହତ୍ୟା ମାମଲାରେ ୪ଜଣଙ୍କୁ ଆଜୀବନ ଜେଲ୍ । ଏହି ବହୁଚର୍ଚ୍ଚିତ ହତ୍ୟା ମାମଲାରେ ୪ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି ଟିଟିଲାଗଡ ଏଡିଜେ କୋର୍ଟ । ମୁଖ୍ୟ ଦୋଷୀ ଆଲୋକ ଦାସଙ୍କୁ ଆଜୀବନ କାରାଦଣ୍ଡ ସହ ୫ବର୍ଷ ଅତିରିକ୍ତ ଜେଲ ଦଣ୍ଡାଦେଶ କରିଛନ୍ତ କୋର୍ଟ । ଅନ୍ୟ ଦୋଷୀମାନେ ହେଲେ ଜଗଦୀଶ ବାଗ, ନରେଶ ସିଂ ଓରଫ ପେଂଟଲ ଓ ସନ୍ତୋଷ ରଣା ।
Kanak News is now on WhatsApp
Join and get latest news updates delivered to you via WhatsApp
୨୦୧୩ ଡିସେମ୍ବର ୧୫ ତାରିଖରେ ମର୍ଣ୍ଣିୱାକ୍ କରୁଥିବାବେଳେ ବିଜେଡି ନେତା ଅଭିମନ୍ୟୁ ସାହୁଙ୍କୁ ଅତି ବିଭତ୍ସ ଭାବେ ହତ୍ୟା କରାଯାଇଥିଲା । ଟିଟିଲାଗଡ ଉପକଣ୍ଠରେ ପ୍ରଥମେ ଅଭିମନ୍ୟୁଙ୍କୁ ପଛପଟୁ ଗାଡିରେ ଧକ୍କା ଦିଆଯାଇଥିବାବେଳେ ପରେ ତଂଟି କାଟି ହତ୍ୟା କରିବା ସହ ଅନ୍ୟତ୍ର ଫିଙ୍ଗି ଦିଆଯାଇଥିଲା । ଏଭଳି ଏକ ଯୋଜନାବଦ୍ଧ ହତ୍ୟାକାଣ୍ଡକୁ ନେଇ ଅଶାନ୍ତ ହୋଇପଡିଥିଲା ଟିଟିଲାଗଡ । ବିଜେଡି ନେତା ଅଭିମନ୍ୟୁଙ୍କ ସମର୍ଥକ ବିଭିନ୍ନ ସ୍ଥାନରେ ପୋଡାଜଳା କରି ଘଟଣାର ତୀବ୍ର ପ୍ରତିବାଦ କରିବା ସହ ହତ୍ୟାକାରୀଙ୍କୁ ଗିରଫ ଦାବି କରିଥିଲେ । ପରେ କ୍ରାଇମବ୍ରାଂଚ ମାମଲାର ବିଭିନ୍ନ ଦିଗକୁ ତଦନ୍ତ କରି ଅଭିଯୁକ୍ତମାନଙ୍କୁ ଗିରଫ କରିବାରେ ସଫଳ ହୋଇଥିଲା ।