ବଦଳିଲା ବିଜୁ ଜନତା ଦଳର ଲେଟର ହେଡ ! ବିଜୁଙ୍କ ସହ ସ୍ଥାନିତ ହେଲା ନବୀନଙ୍କ ଫଟୋ
କନକ ବ୍ୟୁରୋ : ବଦଳିଲା ବିଜୁ ଜନତା ଦଳର ଲେଟର ହେଡ । ପୂର୍ବରୁ ବିଜେଡି ଦଳର ଲେଟର ପ୍ୟାଡର ଉପର ଭାଗରେ କେବଳ ଶଙ୍ଖ ଚିହ୍ନ ସହ ଇଂରାଜୀରେ ବିଜୁ ଜନତା ଦଳ ଲେଖାହୋଇଥିଲା । ଦଳର ନୂଆ ଲେଟର ପ୍ୟାଡରେ ଅନେକ ପରିବର୍ତ୍ତନ କରାଯାଇଛି ।
ଲେଟର ପ୍ୟାଡରେ ଓଡିଆକୁ ଗୁରୁତ୍ୱ ଦିଆଯାଇଥିବା ଦେଖିବାକୁ ମିଳିଛି । ଲେଟରପ୍ୟାଡର ଉପରିଭାଗର ବାମ ପାଶ୍ୱର୍ରେ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଫଟୋ ସହ ନବୀନ ପଟ୍ଟନାୟକ ନମସ୍କାର କରିଥିବା ଫଟୋ ରହିଛି । ପୁରୁଣା ପ୍ୟାଡରେ ଓଡିଆ ଭାଷାରେ କିଛି ଲେଖାଯାଇନଥିବା ବେଳେ ନୂଆପ୍ୟାଡରେ ବଡ ବଡ ଅକ୍ଷରରେ ବିଜୁ ଜନତା ଦଳ ଲେଖାଯାଇଛି । ତା ତଳେ ଇଂରାଜୀରେ ଲେଖାଯାଇଛି ବିଜୁ ଜନତା ଦଳ । ଦଳର ଲୋଗୋ ଶଙ୍ଖକୁ ଉପରିଭାଗର ଦକ୍ଷିଣ ପାଶ୍ୱର୍ରେ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ପୁରୁଣା ଲେଟର ପ୍ୟାଡର ପ୍ରଚ୍ଛଦ ପଟରେ କୌଣସି ଚିହ୍ନ ନଥିବା ବେଳେ ନୂଆପ୍ୟାଡରେ ପ୍ରଚ୍ଛଦ ଭାଗରେ ଦଳର ଚିହ୍ନ ଶଙ୍ଖକୁ ରଖାଯାଇଛି । ରାଜ୍ୟରେ ଚାଷର ସ୍ଥିତିକୁ ଅନୁଧ୍ୟାନ କରିବାକୁ କେନ୍ଦ୍ର କୃଷି ରାଷ୍ଟ୍ରମନ୍ତ୍ରୀ ଆସୁଥିବା ପରିପ୍ରେକ୍ଷୀରେ ଦଳର ମୁଖପାତ୍ର ତଥା ସାଂସଦ ପ୍ରତାପ ଦେବ ଦେଇଥିବା ବୟାନ ଏହି ନୁଆ ଲେଟର ହେଡରେ ଆସିଛି ।