ଆଜିଠୁ ବିଜେଡିର ଜନ ସଂପର୍କ ପଦଯାତ୍ରା: ମାସେ ଧରି ଚାଲିବ କାର୍ଯ୍ୟକ୍ରମ, ସେପଟେ କୁଶଭଦ୍ରା ନଦୀରେ ମହାତ୍ମାଗାନ୍ଧୀ ସେତୁର ହେଲା ଉଦଘାଟନ
କନକ ବ୍ୟୁରୋ: ଗାନ୍ଧୀ ଜୟନ୍ତୀରେ ଆଜିଠୁ ବିଜେଡିର ଜନ ସଂପର୍କ ପଦଯାତ୍ରା । ଏକ ମାସ ଧରି ଏହି ପଦଯାତ୍ରା ଚାଲିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ପଦଯାତ୍ରାର ଶୁଭାରମ୍ଭ କରିଛନ୍ତି । ଭୁବନେଶ୍ୱର ମହାନଗର ନିଗମର ୫୩ ନମ୍ବର ୱାର୍ଡ ଅନ୍ତର୍ଗତ ଝରଣା ସାହି ବସ୍ତିରୁ ଏହି ପଦଯାତ୍ର ଶୁଭାରମ୍ଭ କରାଯାଇଛି । ସାରା ରାଜ୍ୟରେ ଏଭଳି ପଦଯାତ୍ରା ଚାଲିବ । ବିଜେଡି କର୍ମକର୍ତାମାନେ ପ୍ରତି ୱାର୍ଡକୁ ଯାଇ ଲୋକଙ୍କ ପାଖରେ ପହଚିଂବେ ।
Kanak News is now on WhatsApp
Join and get latest news updates delivered to you via WhatsApp
ପଦଯାତ୍ରା ସମୟରେ ଦଳୀୟ କର୍ମୀମାନେ ରାଜ୍ୟସରକାରଙ୍କ ବିଭନ୍ନ ଜନହିତକର କାର୍ଯ୍ୟକ୍ରମ ଆମ ଗାଁ ଆମ ବିକାଶ, ଆମ ସହର ଆମ ଉନ୍ନତି, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ରାଜ୍ୟ ସରକାରଙ୍କ ନିଜସ୍ୱ ଖାଦ୍ୟ ସୁୂରକ୍ଷା ଯୋଜନା, ମହିଳା, କୃଷକ ଓ ଛାତ୍ରଙ୍କ ପାଇଁ ୧ ପ୍ରତିଶତ ସୁଧରେ ଋଣ ବ୍ୟବସ୍ଥା, ଜନଜାତିଙ୍କ ପାଇଁ ସ୍ୱତନ୍ତ୍ର ବିକାଶ ପରିଷଦ ଗଠନ,ସହରାଂଚଳ ବସ୍ତି ବାସିନ୍ଦାଙ୍କୁ ଭୂମି ଓ ସଂପତି ଅଧିକାର, ମିଶନ ଶକ୍ତି ଯୋଜନା ସଂପର୍କରେ ଜନସାଧାରଣଙ୍କୁ ଅବଗତ କରାଯିବ ।
ରାଜ୍ୟ ବ୍ୟାପୀ ପାଳିତ ହେଉଛି ୧୫୦ ତମ ଗାନ୍ଧୀ ଜୟନ୍ତୀ । ଏହି ଅବସରରେ ଆଜି ସାରା ରାଜ୍ୟରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାଲିଅନ୍ତା ସ୍ଥିତ ଗାନ୍ଧୀ ସ୍ମୃତୀ ପୀଠରେ ଗାନ୍ଧୀ ଜ୍ୟୋତି ଯାତ୍ରାର ଉଦଘାଟନ କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି, ଗାନ୍ଧୀଜିଙ୍କ ଆଦର୍ଶ ଓ ବିଚାରଧାରା ପ୍ରସାର ପାଇଁ ଆଗାମୀ ୨ ବର୍ଷ ଧରି ରାଜ୍ୟରେ ବିଭିନ୍ନ କାର୍ଯ୍ୟକ୍ରମ ପାଳନ କରାଯିବ । ମହାତ୍ମାଗାନ୍ଧୀଙ୍କ ସ୍ମୃତିରେ କୁଶଭଦ୍ରା ନଦୀରେ ମହାତ୍ମାଗାନ୍ଧୀ ସେତୁର ମଧ୍ୟ ନବୀନ ଉଦଘାଟନ କରିଛନ୍ତି । ସେପଟେ ବିଧାନସଭା ପରିସରରେ ଥିବା ଗାନ୍ଧୀଙ୍କ ପ୍ରତିମୂତିରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଂଜଳୀ ଦେଇଛନ୍ତି ।