ଜଗନ୍ନାଥ ଧାମରୁ ବିଜେଡି ବଜାଇବ ନିର୍ବାଚନୀ ବିଗୁଲ । ପୁରୀରେ ଆୟୋଜିତ ହେଉଛି ବିଶାଳ ପ୍ରତିଷ୍ଠା ଦିବସ । ମୁଖ୍ୟ ଆକର୍ଷଣ ହେବ ମୁଖ୍ୟମନ୍ତ୍ରୀ ନବୀନଙ୍କ ରୋଡ ସୋ
କନକ ବ୍ୟୁରୋ : ଜଗନ୍ନାଥ ଧାମରୁ ବିଜେଡି ବଜାଇବ ନିର୍ବାଚନୀ ବିଗୁଲ । ଆସନ୍ତା ୨୬ ତାରିଖରେ ପୁରୀଠାରେ ବିଜୁ ଜନତା ଦଳ ପାଳନ କରିବ ୨୦ତମ ପ୍ରତିଷ୍ଠା ଦିବସ । ଏହାକୁ ନେଇ ଚଳଚଂଚଳ ହୋଇପଡିଛି ବିଜେଡି ଶିବିର । ଆଗାମୀ ନିର୍ବାଚନକୁ ଆଖିରେ ରଖି ଦଳ ଏହି ପ୍ରତିଷ୍ଠା ଦିବସକୁ ଅଧିକ ଗୁରୁତ୍ୱ ଦେଉଛି । ଏଥିରେ ତୃଣମୂଳସ୍ତରରୁ ରାଜ୍ୟସ୍ତର ପର୍ଯ୍ୟନ୍ତ ପ୍ରାୟ ୩୦ ହଜାର କର୍ମୀ ଏକାଠି ହେବାର ଯୋଜନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗତ ୧୭ ବର୍ଷ ଶାସନରେ ବିଜେଡି ବିକାଶ ପାଇଁ କରିଥିବା କାମର ହିସାବ ମଧ୍ୟ ରଖିବ ଦଳ । ଏହା ସହ ଏହି ସଫଳତା ପାଇବା ପାଇଁ ବିଜେଡି ଆଗରେ କି ପ୍ରକାର ଅସୁବିଧା ରହିଥିଲା ତାହାର ମଧ୍ୟ ତାଲିକା ଦେବେ ନେତା । କେବଳ ସେତିକି ନୁହେଁ ଆଗାମୀ ଦିନରେ ରାଜ୍ୟର ବିକାଶ ପାଇଁ ବିଜେଡି ରଖିଥିବା ଯୋଜନା ବି ଉପସ୍ଥାପିତ ହେବ ଏହି ପ୍ରତିଷ୍ଠା ଦିବସ ଅବସରରେ । ଏହାସହ ସବୁଠାରୁ ବଡ କଥା ହେଉଛି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ବିଶାଳ ରୋଡ କରିବାର ଯୋଜନା ହୋଇଛି ।