ପଦ ଛାଡ଼ିଲେ ବସ୍ତାର ପୂର୍ବତନ ବିଧାୟକ ରଘୁନାଥ ମହାନ୍ତି । ମୁଖ୍ୟମନ୍ତ୍ରୀଙ୍କୁ ଭେଟି ଉଠା ଜଳସେଚନ ନିଗମ ଅଧ୍ୟକ୍ଷ ପଦରୁ ଦେଲେ ଇସ୍ତଫା, ଟିକେଟ୍ ପାଇବା ନେଇ ଚର୍ଚ୍ଚା ।
କନକ ବ୍ୟୁରୋ: ରାଜ୍ୟ ଉଠା ଜଳସେଚନ ନିଗମ ଅଧ୍ୟକ୍ଷ ପଦରୁ ରଘୁନାଥ ମହାନ୍ତିଙ୍କ ଇସ୍ତଫା । ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟି ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ପତ୍ର ଦେଇଛନ୍ତି ରଘୁନାଥ । ତେବେ ବସ୍ତା ବିଧାନସଭା କ୍ଷେତ୍ରର ପୂର୍ବତନ ବିଧାୟକ ରଘୁନାଥ ମହାନ୍ତି । ଏହି ଆସନରୁ ୫ ଥର ବିଧାୟକ ହୋଇ ଶାସକ ବିଜେଡି ସରକାରଙ୍କ ମନ୍ତ୍ରୀମଣ୍ଡଳରେ ଗୁରୁତ୍ୱପୂର୍ଣ୍ଣ ବିଭାଗ ତୁଲାଇଛନ୍ତି ରଘୁ । ତେବେ ପଦବୀରୁ ଇସ୍ତଫା ଦେବାପରେ ଟିକେଟ୍ ପାଇବା ନେଇ ରଘୁନାଥ କହିଛନ୍ତି କି, ଦଳ ଉପରେ ନିର୍ଭର କରେ ଟିକେଟ୍ ବେ କି ନାହିଁ । ମୁଁ ବିଜେଡିରେ ଅଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଚଳିତଥର ରାଜ୍ୟ ରାଜନୀତିି ମୋଡ଼ ନେଉଥିବାବେଳେ ବିଜେଡି ସୁପ୍ରିମୋଙ୍କୁ ଅନେକ ବିଧାନସଭା କ୍ଷେତ୍ରରେ ପୁରୁଣା ମୁହଁକୁ ଲୋଡୁଥିବା ଦେଖିବାକୁ ମିଳିଛି । ତେଣୁ ବିରୋଧୀଙ୍କୁ ଶକ୍ତ ଝଟକା ଦେବା ପାଇଁ ହୁଏତ ରଘୁନାଥଙ୍କୁ ପୁଣି ଦଳ ବସ୍ତା ଆସନରୁ ପ୍ରାର୍ଥୀ କରିପାରେ ବୋଲି ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି ।
ଆସନ୍ତା ଏପ୍ରିଲ ୨୯ ତାରିଖ ଚତୁର୍ଥ ପର୍ଯ୍ୟାୟ ନିର୍ବାଚନରେ ହେବାକୁଥିବାବେଳେ ବସ୍ତା ଆସନକୁ ବିଜେଡି ସୁପ୍ରିମୋ ଝୁଲାଇ ରଖିଛନ୍ତି । ତେବେ କ’ଣ ପୁଣି ରଘୁନାଥଙ୍କ ଏଠାରୁ ଟିକେଟ୍ ମିଳିବା ପାଇଁ ପଦବୀରୁ ଇସ୍ତଫା ଦେଇଛନ୍ତି କି ରଘୁନାଥ ? ଏଭଳି କିଛି ପ୍ରଶ୍ନ ଏବେ ସାଧାରଣରେ ଉଙ୍କିମାରିବାରେ ଲାଗିଛି । ଅନ୍ୟପଟେ ବଳକାଥିବା ୩ ଲୋକସଭା ଏବଂ ୨୮ଟି ବିଧାସଭା ପ୍ରାର୍ଥୀ ତାଲିକା ଆଜି ଘୋଷଣା ହୋଇପାରେ ବୋଲି ଚର୍ଚ୍ଚା ହେଉଛି ।