ଜୟପୁରରେ ମୋଦି କଲେ ସମାଲୋଚନା, ଭୁବନେଶ୍ୱରରେ ଜବାବ ରଖିଲା ବିଜେଡି ।
କନକ ବ୍ୟୁରୋ: ଜୟପୁରରେ ଶାସକ ବିଜେଡିକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମାଲୋଚନାର ଜବାବ ରଖିଲା ବିଜେଡି । ଦଳୀୟ ମୁଖପାତ୍ର ସସ୍ମିତ ପାତ୍ର ଏବଂ ଦେବାଶିଷ ସାମନ୍ତରାୟ ମୋଦିଙ୍କ ସମାଲୋଚନାର ଦୃଢ଼ ଜବାବ ରଖିଛନ୍ତି । ସସ୍ମିତ କହିଛନ୍ତି କି, ଓଡିିଶାବାସୀ ଅପେକ୍ଷା କରିଥିଲେ ଓଡିଶାର ବିକାଶ ବିଷୟରେ ପ୍ରଧାନମନ୍ତ୍ରୀ ମୋଦି କିଛି କହିବେ କିନ୍ତୁ ରାଜ୍ୟବାସୀ କିଛି ଶୁଣିବାକୁ ପାଇଲେ ନାହିଁ । ଦ୍ୱିତୀୟ ବ୍ରାହ୍ମଣୀ ସେତୁ ହେଉ ବା ସ୍ପେଶାଲ କାଟାଗୋରୀ ପ୍ରସଙ୍ଗ କିଛି ବି ଉଠାଇଲେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏପରିକି କୃଷକଙ୍କ ଉନ୍ନତି କ୍ଷେତ୍ର ନେଇ ରାଜ୍ୟ ସରକାରଙ୍କ ଉପରେ ଆରୋପ ଲଗାଇଛନ୍ତି ପ୍ରଧାନମନ୍ତ୍ରୀ ସେ ଜାଣିବା ଦରକାର ଯେ, ପିଏମଙ୍କ କିଷାନ ଯୋଜନାଠୁ କାଳିଆ ଯୋଜନା ଲକ୍ଷେ ଗୁଣ ଭଲ । କିନ୍ତୁ ଚାପରେ ‘କାଳିଆ’କୁ ବନ୍ଦ କରିଦିଆଯାଇଛି । ନରେନ୍ଦ୍ର ମୋଦି ପୂର୍ବରୁ ଯେତେବେଳେ ପ୍ରଧାନନ୍ତ୍ରୀ ନଥିଲେ ଓଡ଼ିଶା ଆସିଥିଲେ । ସେତେବେଳେ ମଧ୍ୟ କିଛି ପ୍ରଭାବ ପଡିନଥିଲା ଓ ଏବେ ବି ପ୍ରଭାବ ପଡିବ ନାହିଁ ବୋଲି କହିଛନ୍ତି ସସ୍ମିତ ।
ସେପଟେ ବିଜେଡିର ଅନ୍ୟ ମୁଖପାତ୍ର ଦେବାଶିଷ ସାମନ୍ତରାୟ ମଧ୍ୟ କହିଛନ୍ତି ଯେ, ଆୟୁଷ୍ମାନ ଯୋଜନାଠୁ ଆହୁରି ଭଲ ସ୍ୱାସ୍ଥ୍ୟ ନୀତି ନବୀନ ବାବୁ ଆପଣାଇଛନ୍ତି । ଓଡିଶାରେ ବିକାଶ ନେଇ କେନ୍ଦ୍ର ଅନେକ ଥର ବାହା ବାହା ଦେଇଛନ୍ତି । କିନ୍ତୁ ଏପର୍ଯ୍ୟନ୍ତ କୌଣସି ପ୍ରତିଶ୍ରୁତି ପାଳନ ହୋଇନାହିଁ । ଏପରିକି ବିଭିନ୍ନ ପ୍ରସଙ୍ଗରେ ଓଡ଼ିଶାକୁ ଅବହେଳା କରାଯାଇଛି । ତେଣୁ ଆଜି ଜୟପୁରରେ ଯେଉଁ ସବୁ ଅଭିଯୋଗ ରାଜ୍ୟ ସରକାରଙ୍କ ବିରୋଧରେ ମୋଦି ଆଣିଛନ୍ତି ତାହା ଭିତିହୀନ । କାଳିଆ ଯୋଜନା ହିତାଧୀକାରୀ ବଂଟନ ବେଳେ ସାଇଂଟିଫିକାଲି ବଂଟନ ହୋଇଛି । ଦେଶରେ ‘କାଳିଆ’ ପ୍ରଶଂସା ସାଉଣ୍ଟିଥିବାବେଳେ ଏହାକୁ ଦେଖି ପ୍ରଧାନମନ୍ତ୍ରୀ ମୋଦି ଭୟଭୀତ ହୋଇଯାଇଛନ୍ତି ବୋଲି କହିଛନ୍ତି ଦେବାଶିଷ ।