ମହାନଦୀକୁ ବଞ୍ଚାଇବା ପାଇଁ ବିଜେଡ଼ିର ମହାଲଢେଇ ! ୧୬ ତାରିଖରେ ମହାନଦୀ ସୁରକ୍ଷା ଅଭିଯାନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ , ୧୫୦୦ କିଲୋମିଟର ଯାତ୍ରାରେ ଲୋକଙ୍କୁ ମହନଦୀ ସଂକଟ ବିଷୟରେ ଅବଗତ କରିବ ବିଜେଡ଼ି
କନକ ବ୍ୟୁରୋ : ମହାନଦୀର ମହାସଂକଟକୁ ଟାଳିବା ପାଇଁ ବିଜେଡ଼ି ଆରମ୍ଭ କରିବ ମହାନଦୀ ସୁରକ୍ଷା ଅଭିଯାନ । ମହାନଦୀକୁ ବଞ୍ଚାଇବାକୁ ଦ୍ୱିତୀୟ ପଯ୍ୟାୟ ଅଭିଯାନ ଆରମ୍ଭ କରିବ ବିଜେଡ଼ି । ଏନେଇ ଏକ ରୋଡ଼ମ୍ୟାପ ପ୍ରସ୍ତୁତ କରିଛି ବିଜୁ ଜନତା ଦଳ । ଏନେଇ ପ୍ରେସମିଟରେ ସୂଚନା ଦେଇଛି ବିଜେଡ଼ି । ଚଳିତ ମାସ ୧୬ ତାରିଖରେ ଏହି ଜାଗରଣ ଯାତ୍ରାର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମହାନଦୀର ପ୍ରବେଶ ସ୍ଥାନ ବରଗଡ଼ ଓ ଝାରସୁଗୁଡାରୁ ଏହି ଜାଗରଣ ଯାତ୍ରା ଆରମ୍ଭ କରାଯିବ । ମହାନଦୀର ଅବବାହିକାରେ ଥିବା ୧୫ଟି ଜିଲ୍ଲାର ୪୫ଟି ନିର୍ବାଚନମଣ୍ଡଳୀର ବ୍ଲକର ପାଖାପାଖି ୧୫୦୦ କିଲୋମିଟର ପରିକ୍ରମା କରିବା ପରେ ପରାଦ୍ୱୀପରେ ଏହି ଯାତ୍ରା ଶେଷ ହେବ ।
Kanak News is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମ ସମୟରେ ମହାନଦୀ ଅବବାହିକାରେ ଥିବା ଜିଲ୍ଲାଗୁଡିକର ଲୋକମାନଙ୍କୁ ମହାନଦୀ ସଂକଟର ପ୍ରକୃତ ଚିତ୍ର ଉପସ୍ଥାପନ କରାଯିବ । ଏହାଛଡ଼ା ମହାନଦୀକୁ ବିଲୀନ କରିବାକୁ ଯେଉଁ ଷଡ଼ଯନ୍ତ୍ର କରାଯାଉଛି ସେନେଇ ଲୋକଙ୍କୁ ଅବଗତ କରାଯିବ । ମହାନଦୀର ସୁରକ୍ଷା ପାଇଁ ଏହି ଜନଜାଗରଣ ଯାତ୍ରାରେ ଛାତ୍ର, ଯୁବକ, କୃଷକ, ମତ୍ସ୍ୟଜୀବୀ, ମହିଳା, ବୃଦ୍ଧିଜୀବୀ ଓ ଓଡ଼ିଶାର ସମସ୍ତ ଜନସାଧାରଣଙ୍କୁ ସାମିଲ କରାଯିବା ନେଇ ବିଜେଡ଼ି ପକ୍ଷରୁ କୁହାଯାଇଛି ।