ବିଜେଡିର ୧୯ ତମ ପ୍ରତିଷ୍ଠା ଦିବସ: ଆଜି ସବୁ ନିର୍ବାଚନ ମଣ୍ଡଳୀରେ ଧୁମଧାମରେ ଦଳୀୟ ଜନ୍ମଦିନ ପାଳନ ପ୍ରସ୍ତୁତି
ଭୁୁବନେଶ୍ୱର ବ୍ୟୁରୋ, କନକ ନ୍ୟୁଜ : ଆଜି ବିଜୁ ଜନତା ଦଳର ୧୯ ତମ ପ୍ରତିଷ୍ଠା ଦିବସ । ସାରା ରାଜ୍ୟରେ ଦଳର ପ୍ରତିଷ୍ଠା ଦିବସ ଧୁମଧାମରେ ପାଳନ କରିବାକୁ ବିଜେଡି ନିଷ୍ପତି ନେଇଛି । ଆସନ୍ତା ପଂଚାୟତ ନିର୍ବାଚନ ପାଇଁ କର୍ମୀଙ୍କୁ ଏକଜୁଟ ଓ ମନରେ ଉତ୍ସାହ ଭରିଦେବାକୁ ଦଳ ଲାଗି ପଡିଛି । ପଂଚାୟତ ନିର୍ବାଚନ ଏସିଡ ଟେଷ୍ଟରେ ବାଜିମାତ କରିବାକୁ ଆଜି ଦଳର ସୁପ୍ରିମୋ ନେତା କର୍ମୀଙ୍କୁ ମନ୍ତ୍ର ଦେବେ ।
Kanak News is now on WhatsApp
Join and get latest news updates delivered to you via WhatsApp
ସବୁ ନିର୍ବାଚନ ମଣ୍ଡଳିରେ ଯାକଜମକରେ ପ୍ରତିଷ୍ଠା ଦିବସ ପାଳନ କରିବାକୁ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ଦଳର ସମସ୍ତ ନେତାଙ୍କୁ ଚିଠି ଲେଖି ଜଣାଇଛନ୍ତି । ଏଥିସହ ବିଜେଡି ସରକାରଙ୍କ ଲୋକକଲ୍ୟାଣକାରୀ କାର୍ଯ୍ୟକ୍ରମ, ସ୍ୱଚ୍ଛ ଶାସନ ଓ ଲୋକାଭିମୁଖୀ ଯୋଜନା ସଂପର୍କରେ ଲୋକଙ୍କୁ ଜଣାଇବା ପାଇଁ ନେତାଙ୍କୁ ନିର୍ଦ୍ଦେଶ ଦେଇଛନ୍ତି ମୁଖିଆ । ସେହିପରି ଜନସାଧାରଣଙ୍କ ଅଭାବ ଅସୁବିଧା ଦୂର କରିବାକୁ ଦଳୀୟ କର୍ମୀ ଓ ପଦାଧିକାରୀ ନିଜକୁ ଉତ୍ସର୍ଗ କରିବା ପାଇଁ ସଂକଳ୍ପବଦ୍ଧ ହେବେ ।