କନକ ବ୍ୟୁରୋ : କେନ୍ଦ୍ର ସରକାର ନିଜର ଉଡାଣ ଯୋଜନାରେ ବିଭିନ୍ନ ସହରକୁ ସହର ମାଧ୍ୟମରେ ଯୋଡିବା ପାଇଁ ଚେଷ୍ଟା ଜାରି ରଖିଛନ୍ତି । ବର୍ତମାନ ସମୟରେ ମଧ୍ୟ ଅନେକ ସହର ଏହି ଯୋଜନାରେ ସାମିଲ ହୋଇଥିବା ସୂଚନା ମିଳିଛି । ତେବେ ଏଣିକି କେବଳ ଦେଶ ନୁହେଁ ବର ବିଦେଶକୁ ମଧ୍ୟ ଏହି ଯୋଜନାରେ ବିମାନ ଉଡିବ ବୋଲି ସୂଚନା ମିଳିଛି । ତେବେ ଏହା ପାଇଁ ଆଲୋଚନା ମଧ୍ୟ ହେଉଥିବା ଜଣାପଡିଛି । ଏହି ଯୋଜନାର ଲକ୍ଷ୍ୟ ଥିଲା କି ଦେଶର ସମସ୍ତ ନାଗରିକ କିପରି ଭାବରେ ବିମାନରେ ଉଡିବାର ମଜା ନେଇ ପାରିବେ ତାହା ହିଁ ଥିଲା ଏହାର ଲକ୍ଷ୍ୟ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ବିଦେଶରେ ଥିବା ବିଭିନ୍ନ ବିମାନ କମ୍ପାନୀଙ୍କୁ ଏହି ଯୋଜନାରେ ସାମିଲ ହେବା ପାଇଁ ନିଜର ମତ ଅନଲାଇନରେ ନିଜର ମତାମତ ଚଳିତ ବର୍ଷ ନଭେମ୍ବର ମାସ ସୁଦ୍ଧା ଦେବା ପାଇଁ ବିଦେଶ କମ୍ପାନୀମାନଙ୍କୁ କୁହାଯାଇଛି । ବର୍ତମାନ ସମୟରେ ଉଡାଣ ଯୋଜନାରେ ଯେଉଁ ସବୁ ସ୍ଥାନକୁ ସାମିଲ କରାଯାଇଛି ସେଥିରୁ ଏତେଟା ଲାଭ ମିଳୁନଥିବାରୁ ସରକାର ବିଦେଶକୁ ବିମାନ ଉଡାଇବା ପାଇଁ ଚେଷ୍ଟା କରୁଥିବା ଜଣାପଡିଛି । ଏହି ଯୋଜନାରେ ବିମାନରେ ୧ ଘଣ୍ଟାର ଯାତ୍ରା ପାଇଁ ୨୫୦୦ ଟଙ୍କା ରଖାଯାଇଥିଲା । ଲୋକମାନଙ୍କର ଯାତ୍ରାକୁ ଦୃଷ୍ଟିରେ ରଖି ସରକାର ବିଦେଶକୁ ବିମାନ ଉଡାଇବା ପାଇଁ ଇଚ୍ଛା କରୁଥିବା ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି