ଦକ୍ଷିଣ ଆଫ୍ରିକା ଟୁରରେ ଟିମ ଇଣ୍ଡିଆ । ବିରାଟଙ୍କ ସହ ଗଲେ ଅନୁଷ୍କା । କ୍ୟାପଟେନ କୋହଲି କହିଲେ, ଭଲ କରିବ ଭାରତ,ରକ୍ତରେ ରହିଛି କ୍ରିକେଟ
କନକ ବ୍ୟୁରୋ : ଅଭିନେତ୍ରୀ ଅନୁଷ୍କାଙ୍କୁ ବିବାହ କରିବା ପରେ ପ୍ରଥମ ଥର ପାଇଁ ଗଣମାଧ୍ୟମ ସାମ୍ନାରେ ପ୍ରତିକ୍ରିୟା ରଖିଛନ୍ତି ଟିମ ଇଣ୍ଡିଆ ଅଧିନାୟକ ବିରାଟ କୋହଲି । ଦକ୍ଷିଣ ଆଫ୍ରିକା ଗସ୍ତ ପୂର୍ବରୁ ସେ ସାମ୍ବାଦିକ ସମ୍ମିଳନୀରେ କହିଛନ୍ତି ଅନ୍ୟ ଟିମ ସଦସ୍ୟଙ୍କ ପରି ତାଙ୍କ ରକ୍ତରେ ବି ରହିଛି କ୍ରିକେଟ । ତେଣୁ ଗତ କିଛି ଦିନର ବିରତି ପରେ ଏହି ପ୍ରତ୍ୟାବର୍ତନ ତାଙ୍କ ପାଇଁ କଷ୍ଟକର ନୁହେଁ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ଏକ ଗୁରୁତ୍ୱପୂର୍ଣ୍ଣ କାମ ପାଇଁ କିଛି ଦିନ ହେଲା ସେ କ୍ରିକେଟରୁ ଦୂରେଇ ରହିଥିଲେ ଏବଂ ପ୍ରତ୍ୟେକଙ୍କ ଜୀବନରେ ଏହାର ସ୍ୱତନ୍ତ୍ର ସ୍ଥାନ ରହିଛି ବୋଲି କହିଛନ୍ତି ବିରାଟ । ଡିସେମ୍ବର ୧୧ ତାରିଖରେ ବିରାଟ କୋହଲି ଓ ଅନୁଷ୍କା ଶର୍ମା ବିବାହ କରିଛନ୍ତି । ତେଣୁ କୋହଲି ଶ୍ରୀଲଙ୍କା ବିରୋଧରେ ଖେଳାଯାଇଥିବା ଦିନିକିଆ ଓ ଟି-ଟ୍ୱେଂଟି ସିରିଜ୍ରୁ ବାହାରେ ରହିଥିଲେ । ତେବେ ଆଗକୁ ଦକ୍ଷିଣ ଆଫ୍ରିକା ବିରୋଧରେ ଖେଳାଯିବାକୁ ଥିବା ୬ଟିକିଆ ଦିନିକିଆ ସିରିଜ୍ ପାଇଁ ସେ ଅଧିନାୟକ ଭାବେ ପୁଣି ମଇଦାନକୁ ଓହ୍ଲାଇବେ ।
ଏହା ସହ ଦକ୍ଷିଣ ଆଫ୍ରିକାରେ ଦଳର ପ୍ରଦର୍ଶନ ନେଇ କାହାକୁ ଆମର ପ୍ରମାଣ ଦେବାର ନାହିଁ ବୋଲି ରୋକଠୋକ୍ କହିଛନ୍ତି ବିରାଟ । ତେବେ ଏହାରି ଭିତରେ ସେ ୪୮ ପଏଂଟ ହରାଇ ଆଇସିସି ଟି-ଟ୍ୱେଂଟି ର୍ୟାଙ୍କିଂର ତୃତୀୟ ସ୍ଥାନକୁ ଖସିଆସିଛନ୍ତି । ଅନ୍ୟପଟେ ଟିମ୍ ଇଣ୍ଡିଆ ୩-୦ରେ ଶ୍ରୀଲଙ୍କା ବିରୋଧରେ ଟି-୨୦ ସିରିଜ୍ ଜିତିବା ସହ ୨ଟି ପାହ୍ୟା ଉପରକୁ ଉଠି ଦ୍ୱିତୀୟ ସ୍ଥାନରେ ପହଂଚିଛି ।