କନକ ବ୍ୟୁରୋ : ଦେବଦୂତ ସାଜିଲେ ବିରଞ୍ଚି । ବିରଞ୍ଚିଙ୍କ ସାହସିକତାକୁ ସଲାମ । ପରିତ୍ୟକ୍ତ କୂଅରୁ ୩ ଜଣ ସ୍କୁଲ ପିଲ୍ଲାଙ୍କ ଜୀବନ ବଂଚାଇଲେ ସାହାସୀ ଯୁବକ ବିରଞ୍ଚି ମାଝି । ସାହସିକତାର ପରିଚୟ ଦେଇ ଉଦ୍ଧାର କରିଛନ୍ତି ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ପଂଚାୟତର ତୁରୁଞ୍ଜିଆଗୁଡା ଗ୍ରାମର ବିରଞ୍ଚି ମାଝି । ବିରଞ୍ଚିଙ୍କ ଏଭଳି ମଣିଷ ପଣିଆ ପାଇଁ ଏବେ ଚାରି ଆଡୁ ଶୁଭେଛାର ସୁଅ ଛୁଟିଛି ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁସାରେ ଏକ ପରିତ୍ୟକ୍ତ କୁଅରେ ତିନି ଜଣ ସ୍କୁଲ ପିଲା ପଡ଼ିଯିବା ପରେ ସେମାନଙ୍କ ଚିକ୍ରାର ଶୁଣି ଥିଲେ ବିରଞ୍ଚି । ଏହା ଜାଣିବା ମାତ୍ରେ ବିଳମ୍ୱ ନକରି କୂଅ ଭିତରକୁ ଲମ୍ଫ ମାରିଥିଲେ । ଆଉ ପାଣି ଭିତରେ ପିଲାମାନଙ୍କୁ ନିଜ କାନ୍ଧ ଉପରେ ରଖି ନେଇ ଉଦ୍ଧାର କରିଥିଲେ । କୂଅ ଭିତରୁ ଚିତ୍କାର ଶୁଣି ଗାଁର ଲୋକେ ପହଁଚି ଦଉଡି ପକାଇ ଜଣକ ପରେ ଜଣକୁ ଉଦ୍ଧାର କରିଥିଲେ ।
ତେବେ ବିରଞ୍ଚିଙ୍କ ଏପରି ଉଦ୍ୟମ ବେଳେ ତାଙ୍କ ଗୋଡରେ ଆଘାତ ଲାଗିଛି । ଏବେ ସେ ନବରଙ୍ଗପୁର ମେଡ଼ିକାଲରେ ଚିକିତ୍ସିତ ଅଛନ୍ତି । ବିରଂଚି ନାବାଳକ ମାନଙ୍କୁ ଉଦ୍ଧାର କରିଥିବାରୁ ବେଶ ଖୁସି ଅନୁଭବ କରୁଥିବା କଥା କହିଛନ୍ତି ।