କାହିଁକି କରିଥିଲି ଆତ୍ମହତ୍ୟା ଉଦ୍ୟମ ! ବିକ୍ରମଙ୍କ ମୁହଁରେ ବିଫଳ ପ୍ରେମର କାହାଣୀ
ସମୟ ଥିଲା ଯେତେବେଳେ ଫିଲ୍ମ ନିର୍ମାତା ବିକ୍ରମ ଭଟ୍ଟ ଏବଂ ଅଭିନେତ୍ରୀ ସୁସ୍ମିତା ସେନଙ୍କ ପ୍ରେମ କାହାଣୀ ଚର୍ଚ୍ଚାରେ ଥିଲା । ହେଲେ କାହାକୁ ଜଣା ନଥିଲା ସତ କଣ । କିନ୍ତୁ ଏବେ ନିକଟରେ ଏକ ସାକ୍ଷାତକାରରେ ସୁସ୍ମିତାଙ୍କ ସହ ନିଜ ସଂପର୍କକୁ ନେଇ ଏକ ଚାଂଚଲ୍ୟକର ବୟାନ୍ ଦେଇଛନ୍ତି ବିକ୍ରମ ।
Kanak News is now on WhatsApp
Join and get latest news updates delivered to you via WhatsApp
ବିକ୍ରମ କହିଛନ୍ତି ସୁସ୍ମିତାଙ୍କ ସହ ଏକ୍ସଟ୍ରାମାରିଟାଲ୍ ଆଫେୟାର୍ ପାଇଁ ନିଜ ପିଲା ଦିନର ପ୍ରେମ ତଥା ପତ୍ନୀ ଅଦିତିଙ୍କୁ ଛାଡପତ୍ର ଦେଇଥିଲେ । ବିକ୍ରମ ଏକଥା ମଧ୍ୟ ସ୍ୱୀକାର କରିଛନ୍ତି ଯେ ଥରେ ସେ ୬ ମହଲା ଛାତ ଉପରୁ ଡେଇଁ ଆତ୍ମହତ୍ୟା କରିବାକୁ ମଧ୍ୟ ଚେଷ୍ଟା କରିଥିଲେ । କିନ୍ତୁ ଏହି ଆତ୍ମହତ୍ୟା ଯଦିଓ ସୁସ୍ମିତାଙ୍କ ପାଇଁ ନୁହେଁ କିନ୍ତୁ ସୁସ୍ମିତାଙ୍କ ପାଇଁ ନିଜ ପତ୍ନୀଙ୍କୁ ଛାଡପତ୍ର ଦେଇଥିବାରୁ । ଛାଡପତ୍ର ଦେବା ପରେ ସେ ନିଜ ଭୁଲ୍ ବୁଝିପାରିଥିଲେ ଏବଂ ଖୁବ୍ ପଶ୍ଚାତାପ କରିଥିଲେ । ନିଜ ଭୁଲ୍ ପାଇଁ ଝିଅ ଏବଂ ପତ୍ନୀଙ୍କୁ ହରାଇଥିବାରୁ ଆଜି ଯାଏଁ ନିଜକୁ କ୍ଷମା କରିପାରିନାହାଁନ୍ତି ବିକ୍ରମ ।
ତେବେ କେବଳ ସୁସ୍ମିତା ନୁହେଁ ଅମିଷା ପଟେଲଙ୍କ ସହ ମଧ୍ୟ ନିଜ ପ୍ରେମକୁ ନେଇ ବେଶ୍ ଚର୍ଚ୍ଚାରେ ଥିଲେ ବିକ୍ରମ । ବିକ୍ରମ୍ ‘ରାଜ୍’, ହେଟ୍ ଷ୍ଟୋରୀ , କସୁର୍ ଏବଂ ଗୁଲାମ୍ ପରି ଅନେକ ସୁପରହିଟ୍ ସିନେମା ବଲିଉଡକୁ ଭେଟି ଦେଇଛନ୍ତି ।