ବିଜେପିର ବିଜୁ ପଲିଟିକ୍ସ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ବିଜେପିର ନୂଆ ଷ୍ଟ୍ରାଟେଜି । ନବୀନଙ୍କୁ ସମାଲୋଚନା , ବିଜୁଙ୍କ ଗୁଣଗାନ । ଆଉ ଏହି ଷ୍ଟ୍ରାଟେଜିକୁ ପାଦେ ପାଦେ ଆଗକୁ ନେଉଛନ୍ତି ଧର୍ମେନ୍ଦ୍ର ପ୍ରଧାନ । କେନ୍ଦ୍ରରେ ମନ୍ତ୍ରୀ, ରାଜ୍ୟରେ ନେତା । ତେଣୁ କେଉଁ ସମୟରେ କଣ କହି ବିଜେଡି ସରକାର ଓ ନବୀନ ପଟ୍ଟନାୟକଙ୍କୁ ସମାଲୋଚନା କରିବେ , ସେ ନେଇ ପ୍ରସ୍ତୁତ କରିଛନ୍ତି ରଣନୀତି ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ସମୟରେ ନବୀନ ପଟ୍ଟନାୟକଙ୍କୁ କଡା ଭାଷାରେ ସମାଲୋଚନା କରୁଛନ୍ତି, ସେହି ସମୟରେ ସ୍ୱର୍ଗତ ବିଜୁ ପଟ୍ଟନାୟକଙ୍କ ଆଦର୍ଶକୁ ନେଇ ଧନ୍ୟ ଧନ୍ୟ ହୋଇ ପଡୁଛନ୍ତି । ଯାହାଙ୍କ ସ୍ୱପ୍ନକୁ ପୁରଣ କରିବେ କହି ନବୀନ ୪ ପାଳି ହେଲା ମୁଖ୍ୟମନ୍ତ୍ରୀ, ତାଙ୍କୁ କେମିତି ବା ଅଣଦେଖା କରିବ ବିଜେପି । ତେଣୁ ଏଥର କେନ୍ଦ୍ରୀୟ କ୍ୟାଲେଣ୍ଡରରେ ସ୍ଥାନ ପାଉଛି ବିଜୁବାବୁଙ୍କ ଶତବାର୍ଷିକୀ ଉତ୍ସବ ।
ଧର୍ମେନ୍ଦ୍ରଙ୍କ ଭଳି ସେହି ଏକା ଫର୍ମୁଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର । ଯେତେବେଳେ ବି ଓଡଶାା ଆସିଛନ୍ତି , ତାଙ୍କ ମୁହଁରୁ ଶୁଣିବାକୁ ମିଳିଛି ବିଜୁବାବୁଙ୍କ ପ୍ରଶଂସା ।