ଜୋରଧରିଲା ଏଲପିଜି ରାଜନୀତି ! ରାଜଭବନ ଆଗରେ ବିଜୁ ମହିଳା ଜନତା ଦଳ ବିକ୍ଷୋଭ
କନକ ବ୍ୟୁରୋ: ରାଜ୍ୟରେ ଜୋରଦାର ହୋଇଛି ଏଲପିଜି ରାଜନୀତି । କେନ୍ଦ୍ର ସରକାର ଏଲପିଜିର ଦର ବୃଦ୍ଧି ସାଙ୍ଗକୁ ସବସିଡି ପ୍ରତ୍ୟାହର ନେଇ ଘୋଷଣା କରିବା ପରେ ରାଜନୀତି ସରଗରମ ହୋଇଛି । ରନ୍ଧନଗ୍ୟାସ ଦର ବୃଦ୍ଧି ପ୍ରତିବାଦରେ ରାଜଭବନ ଆଗରେ ବିକ୍ଷୋଭ କରୁଛି ବିଜୁ ମହିଳା ଜନତା ଦଳ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରର ଏଲପିଜି ସିଲିଣ୍ଡର୍ ଉପରୁ ସବସିଡି ପ୍ରତ୍ୟାହାର ନିଷ୍ପତ୍ତିକୁ ବିରୋଧ କରି ଆଜି ବିଜୁ ମହିଳା ଜନତା ଦଳ ଆନ୍ଦୋଳନକୁ ଓହ୍ଲାଇଛି । ଆଜି ସକାଳ ୧୦ଟାରେ ଦଳର ମହିଳା କର୍ମୀମାନେ ରାଜଭବନ ସମ୍ମୁଖରେ ଧାରଣା ଦେବା ସହ ରାଜ୍ୟପାଳଙ୍କୁ ସ୍ମାରକପତ୍ର ପ୍ରଦାନ କରିବାର କାର୍ଯ୍ୟକ୍ରମ ରହିଛି । ଏହି ସ୍ମାରକ ପତ୍ର ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦିଆଯିବ ବୋଲି ସଭାନେତ୍ରୀ ପ୍ରମିଳା ମଲ୍ଲିକ ସୂଚନା ଦେଇଛନ୍ତି ।
ରନ୍ଧନ ଗ୍ୟାସର ସବସିଡି ପ୍ରତ୍ୟାହାର ପ୍ରତିବାଦରେ ଆସନ୍ତା ୮ ତାରିଖରେ ରାଜ୍ୟର ସଦର ମହକୁମାମାନଙ୍କରେ ମହିଳା କର୍ମୀମାନେ ବିକ୍ଷୋଭ କରିବାର କାର୍ଯ୍ୟକ୍ରମ ରହିଥିବା ନେଇ ପ୍ରମିଳା ମଲ୍ଲିକ ସୂଚନା ଦେଇଛନ୍ତି । ଅନ୍ୟପକ୍ଷରେ ଆସନ୍ତାକାଲି ମହିଳା କଂଗ୍ରେସ ଏହି ପ୍ରସଙ୍ଗକୁ ନେଇ ଆନ୍ଦୋଳନ କରିବାର କାର୍ଯ୍ୟକ୍ରମ ରହିଛି ।