ଭାଷଣ ନୁହେଁ ବାଜପେୟୀଙ୍କ ଆଦର୍ଶ ଓ କାମରେ ଅନୁପ୍ରାଣିତ ହୁଅ । ଦେଶବାସୀ ସବୁ ଦେଖୁଛନ୍ତି, ବିଜେପିକୁ ପରାମର୍ଶ ଦେଲେ ବିଜୟ ମହାପାତ୍ର
କନକ ବ୍ୟୁରୋ : ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଶୋକସଭାରେ ଏକାଠି ହେଲେ ସବୁ ଦଳର ନେତା । ରାଜନୈତିକ ଶତ୍ରୁତା ଭୁଲି ଭାରତରତ୍ନ ବାଜପେୟୀଙ୍କ ସ୍ମୃତିଚାରଣ କଲେ । କିନ୍ତୁ ଆସିନଥିଲେ ବିଜେପିର ବରିଷ୍ଠ ନେତା ବିଜୟ ମହାପାତ୍ର । ନିଜର ଅନୁପସ୍ଥିତିକୁ ବ୍ୟକ୍ତିଗତ କହିଥିଲେ ମଧ୍ୟ ଆଜି ପରୋକ୍ଷରେ ବିଜେପିକୁ ଟାର୍ଗେଟ୍ କରିଛନ୍ତି ଏହି ବରିଷ୍ଠ ବିଜେପି ନେତା । କେବଳ ଭାଷଣରେ ନୁହେଁ, ବାଜପେୟୀଙ୍କ କାର୍ଯ୍ୟ ଶୈଳୀରେ ଅନୁପ୍ରାଣିତ ହେବାକୁ ବିଜେପି ନେତାଙ୍କୁ ପରାମର୍ଶ ଦେଇଛନ୍ତି ବିଜୟ ମହାପାତ୍ର ।
Kanak News is now on WhatsApp
Join and get latest news updates delivered to you via WhatsApp
କେବଳ ଭାଷଣ ନୁହେଁ, ବାଜପେୟୀଙ୍କ କାମରେ ସବୁ ରାଜନୈତିକ ବ୍ୟକ୍ତି ଅନୁପ୍ରାଣିତ ହେଲେ ହିଁ ତାଙ୍କ ଆତ୍ମା ଶାନ୍ତି ପାଇବ ବୋଲି କହିଛନ୍ତି ବିଜୟ ମହାପାତ୍ର । ଆଉ ବିଜୟ ଏଭଳି ବୟାନ ଦେଇ ପରୋକ୍ଷରେ ବିଜେପିକୁ ଟାର୍ଗେଟ କରିଛନ୍ତି । ଏପରିକି ବାଜପେୟୀଙ୍କ ନୀତିକୁ ବିଜେପି କେତେ ପାଳନ କରୁଛି ତାହା ଦେଶବାସୀ ଜାଣୁଛନ୍ତି ବୋଲି କହିଛନ୍ତି ବିଜୟ । ତେବେ ବିଜେପି ପକ୍ଷରୁ କୁହାଯାଇଛି, ବାଜପେୟୀଙ୍କ ଆଦର୍ଶରେ ହିଁ ଦଳ ଚାଲୁଛି । ଅନ୍ୟପଟେ କଂଗ୍ରେସ କହିଛି ଓଡିଶାର ସ୍ୱାର୍ଥ ପାଇଁ ସମସ୍ତଙ୍କୁ ସାଙ୍ଗରେ ନେଇ ଲଢିବାକୁ ପ୍ରସ୍ତୁତ ଅଛି ଦଳ । କିନ୍ତୁ କେତେବେଳେ ବିଜେଡି ମିଶୁନାହିଁ ତ ପୁଣି କେତେବେଳେ ବିଜେପି ମିଶୁନାହିଁ ।