ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ପୁଣି ଉଠିଲା ଚିଟଫଣ୍ଡ ତଦନ୍ତରେ ସିବିଆଇର ଭୂମିକା ଉପରେ ପ୍ରଶ୍ନ । ପୂର୍ବରୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସିବିଆଇ ଠିକ୍ ଭାବରେ କାମ କରୁଛି ବୋଲି ମନ୍ତବ୍ୟ ଦେବା ପରେ ଆଜି ବିଜୟ ମହାପାତ୍ର ସିବିଆଇକୁ କମ୍ପ୍ରମାଇଜ୍ ବ୍ୟୁରୋ ଅଫ୍ ଇନଭେଷ୍ଟିଗେସନ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ବରିଷ୍ଠ ବିଜେପି ନେତା ବିଜୟ ମହାପାତ୍ରଙ୍କ ଅଭିଯୋଗ ପୁଣି ଥରେ ସେହି ଚର୍ଚ୍ଚିତ ପ୍ରସଙ୍ଗକୁ ଆଗକୁ ଆଣିଛି । ଯାହାକୁ ଉଠାଇଥିଲେ କେନ୍ଦ୍ରମନ୍ତ୍ରୀ ଜୁଏଲ୍ ଓରାମ୍ ।
ପ୍ରଶ୍ନ ଉଠୁଛି ପ୍ରକୃତରେ ସିବିଆଇର ତଦନ୍ତ କୁଆଡେ ଯାଉଛି ? କେଉଁ ଅଦୃଶ୍ୟ ଚାପ ସିବିଆଇ ଗୋଡରେ ବେଡି ବାନ୍ଧି ଦେଇଛି । ଅଭିଯୋଗ ହୁଏ କେନ୍ଦ୍ରରେ ଯେଉଁ ସରକାର ଥାଏ ସେମାନେ ନିଜକୁ ସୁହାଇଲା ଭଳି ଏହି ଅଟୋନମସ୍ ସଂସ୍ଥାକୁ ବ୍ୟବହାର କରନ୍ତି । ତେବେ ଓଡିଶାର ଚିଟଫଣ୍ଡ ଦୁର୍ନୀତି ମାମଲାର ତଦନ୍ତ ଏହି ସର୍ବୋଚ୍ଚ ତଦନ୍ତକାରୀ ସଂସ୍ଥା କିଭଳି କରୁଛି ।