ଗଡକରୀଙ୍କ ଚିଠି ପରେ ବିଜୟଙ୍କ ବାଣ ! କହିଲେ, କେନ୍ଦ୍ରମନ୍ତ୍ରୀଙ୍କ ବିବୃତ୍ତି ସ୍ପଷ୍ଟ ନୁହେଁ
କନକ ବ୍ୟୁରୋ : ମହାନଦୀ ପ୍ରସଙ୍ଗରେ କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କ ଚିଠି ପରେ ବରିଷ୍ଠ ବିଜେପି ନେତା ବିଜୟ ମହାପାତ୍ରଙ୍କ ସମାଲୋଚନା । ବିଜୟ କହିଛନ୍ତି ସଂସଦରେ କେନ୍ଦ୍ର ଜଳସମ୍ପଦ ମନ୍ତ୍ରୀ ନୀତିନ ଗଡକରି ଦେଇଥିବା ବିବୃତ୍ତି ସ୍ପଷ୍ଟ ନୁହେଁ । ମହାନଦୀ ବିବାଦର ସମାଧାନ ପାଇଁ ଟ୍ରିବ୍ୟୁନାଲ ଗଠନ କଲେ କ୍ଷତି କଣ ବୋଲି ସେ ପ୍ରଶ୍ନ କରିଛନ୍ତି । ସିଡବ୍ଲୁସି କିମ୍ବା ଜଳସମ୍ପଦ ବିଭାଗ କେନ୍ଦ୍ର ମନ୍ତ୍ରୀଙ୍କୁ ସଠିକ ତଥ୍ୟ ଦେଇନଥିବା ସେ କହିଛନ୍ତି । ମହାନଦୀ ସମ୍ପୂର୍ଣ୍ଣ କ୍ଷତିଗ୍ରସ୍ଥ ହୋଇସାରିଛି ଏବଂ ଓଡ଼ିଶାକୁ ପାଣି ଆସୁନାହିଁ ବୋଲି ସେ ଅଭିଯୋଗ କରିଛନ୍ତି । ତେଣୁ ଓଡ଼ିଶା ଛତିଶଗଡ ମଧ୍ୟରେ ଆପୋଷ ବୁଝାମଣା ଜରିଆରେ ଆଉ ଏ ବିବାଦର ସମାଧାନ ହୋଇପାରିବ ନାହିଁ ବୋଲି ବିଜୟ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସଂସଦରେ ବିଜେଡି ମହାନଦୀ ପ୍ରସଙ୍ଗ ଉଠାଇବା ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି କେନ୍ଦ୍ର ଜଳ ସଂପଦ ମନ୍ତ୍ରୀ । ଜାନୁଆରୀ ୨ ତାରିଖରେ ନୀତିନ ଗଡକରି ଚିଠି ଲେଖି ତାଙ୍କ ମଧ୍ୟସ୍ଥତାରେ ଛତିଶଗଡ ମୁଖ୍ୟମନ୍ତ୍ରୀ ରମଣ ସିଂଙ୍କ ସହ ଆଲୋଚନା କରିବାକୁ ପ୍ରସ୍ତାବ ଦେଇଛନ୍ତି ଗଡକରି । ଏପରିକି ଜଳ ବିବାଦର ସମାଧାନ ପାଇଁ ଟ୍ରିବ୍ୟୁନାଲ ଗଠନ ଏକ ବିଳମ୍ବିତ ପ୍ରକ୍ରିୟା ବୋଲି ସେ ଚିଠିଲେ ଉଲ୍ଲେଖ କରିଛନ୍ତି । ସେହିପରି ୧୯୫୬ ଜଳ ବିବାଦ ଆଇନରେ ସଂଶୋଧନ କରି ୨୦୧୭ରେ ଅଣାଯାଇଥିବା ଆଇନ କେନ୍ଦ୍ର ସରକାରଙ୍କ ଆଇନ ବିଭିଗ ଅନୁମୋଦନ ଅପେକ୍ଷାରେ ରହିଛି । ଏହି ଆଇନ ଆସିଲେ ନିର୍ଦ୍ଧାରିତ ସମୟ ମଧ୍ୟରେ ସମସ୍ତ ଜଳ ବିବାଦର ସମାଧାନ ହୋଇପାରିବ ବୋଲି ସେ ଆଶ୍ୱାସନା ଦେଇଛନ୍ତି । ଆଉ ଏ ଚିଠି ଉପରେ ଗଡ଼କରିଙ୍କୁ ପ୍ରଶ୍ନ କରିଛନ୍ତି ବିଜୟ ମହାପାତ୍ର ।