ଦଳକୁ ଫେରିଲେ ବିଜୟ ! ପୁରୁଣା କଥାକୁ ଭୁଲି ଦଳରେ ଯୋଗଦେଲି ବୋଲି କହିଲେ ତୁଙ୍ଗ ନେତା
କନକ ବ୍ୟୁରୋ : ବିଜେପିକୁ ଫେରିଲେ ଟାଣୁଣା ନେତା ବିଜୟ ମହାପାତ୍ର । ଆଜିଠାରୁ ମୋଦି ସରକାରଙ୍କୁ ୧୨୦ ମିଶନକୁ ସଫଳ କରିବା ପାଇଁ ଚେଷ୍ଟା କରିବେ । ସବୁ ମାନ ଅଭିମାନ ଓ ଅଭିଯୋଗ ଭୁଲି ଦଳକୁ ଫେରି ଆସିଛନ୍ତି ତୁଙ୍ଗ ନେତା ବିଜୟ ମହାପାତ୍ର । ଭୁବନେଶ୍ୱର ରାଜ୍ୟ କାର୍ଯ୍ୟାଳୟରେ ବିଧିବଦ୍ଧ ଭାବରେ ଦଳରେ ଯୋଗ ଦେଇଛନ୍ତି ବିଜୟ । ଆଜି ଦଳକୁ ଫେରିବା ପରେ ଆସନ୍ତାକାଲି ପ୍ରଧାନମନ୍ତ୍ରୀଙ୍କ ସଭାରେ ଯୋଗଦେବେ ।
Kanak News is now on WhatsApp
Join and get latest news updates delivered to you via WhatsApp
ଦଳରେ ଯୋଗଦେବା ପରେ ବିଜୟ କହିଛନ୍ତି ପୁରୁଣା କଥାକୁ ଭୁଲି ନୂଆ ସଙ୍କଳ୍ପ ନେଇ ଦଳରେ ଯୋଗ ଦେଇଛି । ନିର୍ବାଚନ ଲଢ଼ିବା କଥା କେନ୍ଦ୍ରୀୟ ସମିତି ବିଚାର କରିବେ । ଦଳରେ ଯୋଗ ଦେବାପରେ ରାଜ୍ୟରେ ପରିବର୍ତ୍ତନ ପାଇଁ ନୂଆ ଅଭିଯାନରେ ବାହାରିଲୁ । ଏହାପୂର୍ବରୁ ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହଙ୍କ ସହ ଫୋନରେ କଥା ହୋଇଛି ବୋଲି କହିଛନ୍ତି ବିଜୟ ମହାପାତ୍ର ।
୨୦୧୮ ମସିହା ନଭେମ୍ବର ୩୦ ତାରିଖରେ ବିଜୟ ମହାପାତ୍ର ବିଜେପିରୁ ଇସ୍ତଫା ଦେଇଥିଲେ । ଦଳୀୟ କାର୍ଯ୍ୟରେ ଅସନ୍ତୋଷ ପ୍ରକାଶ କରି ସେ ଗତବର୍ଷ ନଭେମ୍ବରରେ ଦଳ ଛାଡିଥିଲେ । । ହେଲେ ତାଙ୍କ ଇସ୍ତଫାପତ୍ର ଗ୍ରହଣ କରାଯାଇ ନାହିଁ ବୋଲି ଭାଜପା ନେତା ଗୋଲକ ମହାପାତ୍ର କହିଥିଲେ । ତାଙ୍କୁ ଦଳକୁ ଫେରାଇ ଆଣିବାକୁ ଭାଜପାର କେନ୍ଦ୍ରୀୟ ତଥା ରାଜ୍ୟସ୍ତରୀୟ ବହୁ ବିଶିଷ୍ଟ ନେତୃବୃନ୍ଦ ଗତ କିଛି ଦିନ ହେବ ତାଙ୍କ ସହ ଯୋଗାଯୋଗ ଚଳାଇଥିଲେ । ବିଜୟଙ୍କୁ ଫେରାଇ ଆଣିବାକୁ ଗତ ରବିବାର ଦିନ ବସିଥିବା ଏକ ବୈଠକରେ ବିଜେପିର ନେତୃବୃନ୍ଦ ପ୍ରାୟ ଚୂଡ଼ାନ୍ତ କରିଥିଲେ ।