ବିହାରରେ ଏନଡିଏ ଆସନ ବୁଝାମଣାକୁ ନେଇ ଛିଡ଼ିଲା ଅଡୁଆ: ବିଜେପି ୧୭, ଜେଡ଼ିୟୁ ୧୭ ଓ ଏଲଜେପି ୬ ଆସନରେ ଲଢ଼ିବା ଚୂଡ଼ାନ୍ତ
ୟୁପି କିମ୍ବା ଝାରଖଣ୍ଡରୁ ରାଜ୍ୟସଭା ଯାଇପାରନ୍ତି ପାଶ୍ୱାନ
କନକ ବ୍ୟୁରୋ: ବିହାରରେ ଏନଡିଏ ଆସନ ବୁଝାମଣାକୁ ନେଇ ଛିଡ଼ିଲା ଅଡୁଆ । ୨୦୧୯ ନିର୍ବାଚନ ପାଇଁ ବିହାରରେ ଏନଡିଏ ମେଂଟ ସହଯୋଗୀଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦ ଦୁର ହୋଇଛି । ଦିଲ୍ଲୀରେ ଆୟୋଜିତ ଏକ ବୈଠକ ପରେ କେଉଁ ଦଳ କେତୋଟି ଆସନରେ ଲଢ଼ିବ ସେ ନେଇ ଚୂଡ଼ାନ୍ତ ହୋଇଥିବା ବିହାର ମୁଖ୍ୟମନ୍ତ୍ରୀ ନୀତିଶ କୁମାର ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିଷ୍ପତି ଅନୁଯାୟୀ, ବିହାରର ୪୦ଟି ଲୋକସଭା ଆସନ ମଧ୍ୟରୁ ଭାରତୀୟ ଜନତା ପାର୍ଟି ବା ବିଜେପି ୧୭, ଜନତା ଦଳ ୟୁନାଇଟେଡ୍ ବି ଜେଡିୟୁ ୧୭ ଓ ଲୋକ ଜନଶକ୍ତି ପାର୍ଟି ବା ଏଲଜେପି ୬ଟି ଆସନରେ ପ୍ରାର୍ଥୀ ଦେବ । ଏହା ସହିତ ଏଲଜେପି ପ୍ରମୁଖ ରାମବିଳାସ ପାଶ୍ୱାନଙ୍କୁ ରାଜ୍ୟସଭାକୁ ପଠାଇବ ଏନଡିଏ । ତେବେ କିଏ କେଉଁ ଲୋକସଭା ଆସନରୁ ଲଢ଼ିବ ତାହା ଆଗାମୀ ଦିନରେ ନିଷ୍ପତି ନିଆଯିବ । ପୂର୍ବରୁ ଆସନ ବୁଝାମଣାକୁ ନେଇ ଏନଡିଏର ଅଂଶୀଦାର ଦଳ ଜେଡ଼ିୟୁ ଓ ଏଲଜେପି ନିଜ ଆଭିମୁଖ୍ୟ ଜାହିର କରିଥିଲେ ।
ସେହିପରି ଏନଡିଏରୁ ଓହରି ଉପେନ୍ଦ୍ର କୁଶୱାହା କଂଗ୍ରେସ ସହ ହାତ ମିଳାଇବା ପରେ ସମସ୍ତଙ୍କର ନଜର ଏଲଜେପି ମୁଖ୍ୟ ରାମବିଳାସ ପାଶ୍ୱାନଙ୍କ ଉପରେ ରହିଥିଲା । ଆଜି ବୈଠକରେ ଆସନ ଭାଗବଂଟାକୁ ନେଇ ଚୂଡ଼ାନ୍ତ ନିଷ୍ପତି ପରେ ଏନଡିଏ ଅନ୍ତତଃ ଆଶ୍ୱସ୍ତ ହେବା କୁହାଯାଉଛି ।