ବିଚାରପତୀଙ୍କ ଘରେ ବାପା କରୁଥିଲେ ଚପରାସୀ ଚାକିରି ! ଆଜି ବଡ ହୋଇ ଝିଅ ହେଲା ବିଚାରପତୀ, କିନ୍ତୁ ବାପା ଦେଖିପାରିଲାନି ଝିଅର ସଫଳତା ।
ସ୍ୱପ୍ନ ତ ସମସ୍ତେ ଦେଖନ୍ତି ହେଲେ ସବୁ ସ୍ୱପ୍ନ ପୂରଣ ହୁଏନି । ସ୍ୱପ୍ନ ପୂରଣ କରିବା ପାଇଁ ମନରେ ଇଚ୍ଛା ଶକ୍ତି ସହ ଦୃଢ ବିଶ୍ୱାସ ଥିବା ଦରକାର । ପିଲାବେଳୁ ବାପାଙ୍କ ଚପରାସୀ କାର୍ୟ୍ୟର କଷ୍ଟ ଦେଖି ବଡ ହୋଇଥିବା ଅର୍ଚ୍ଚନା ଜୀବନରେ ନେଇଥିଲେ ବଡ ନିଷ୍ପତି, ଦେଖିଥିଲେ ଜଜ୍ ହେବାର ସ୍ୱପ୍ନ । ବର୍ତ୍ତମାନ ସମୟରେ ତାଙ୍କ ସେହି ସ୍ୱପ୍ନ ପୂରଣ ହୋଇଯାଇଛି । କେବେ ବିଚାରପତି ହେବାର ସ୍ୱପ୍ନ ଦେଖିଥିବା ଅର୍ଚ୍ଚନାଙ୍କ ସ୍ୱପ୍ନ ପୂରଣ ହୋଇଛି। କିନ୍ତୁ ତାଙ୍କର ଏହି ସଫଳତା ଦେଖିବାକୁ ତାଙ୍କ ବାପା ଆଉ ନାହାନ୍ତି। ପଟନାର କଙ୍କରବାଗରେ ରହୁଥିବା ଅର୍ଚ୍ଚନା ଜୁଡିସିଆଲ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ଏକ ସାଧାରଣ ପରିବାରରେ ଜନ୍ମ ହୋଇଥିବା ଅର୍ଚ୍ଚନା ତାଙ୍କ ସ୍ୱପ୍ନକୁ ହାସଲ କରିବାରେ ସଫଳ ହୋଇପାରିଛନ୍ତି । ଅର୍ଚ୍ଚନା କହିଛନ୍ତି, ତାଙ୍କ ବାପା ଜଜଙ୍କ ପାଖରେ ଚାକର ପରି କାମ କରୁଥିବା ଦୃଶ୍ୟ ତାଙ୍କୁ ଛୋଟ ବେଳୁ ହିଁ କଷ୍ଟ ଦେଇ ଆସୁଥିଲା ।
Kanak News is now on WhatsApp
Join and get latest news updates delivered to you via WhatsApp
ବଡ଼ ହେଲେ ଜଣେ ବିଚାରପତି ହୋଇ ବାପାଙ୍କ ଆତ୍ମସମ୍ମାନକୁ ଫେରାଇ ଆଣିବାକୁ ସ୍ୱପ୍ନ ଦେଖିଥିଲି ଏବଂ ଏଥିପାଇଁ ଅନେକ ଘାତ ପ୍ରତିଘାତ ମଧ୍ୟ ସହ୍ୟ କରିଛି । ଅର୍ଚ୍ଚନା ପୁଣେ ବିଶ୍ୱବିଦ୍ୟାଳୟରୁ ଏଲଏଲବି ପାସ କରିବା ପରେ ୨୦୧୪ ରେ ସେ ପାଟନାର ବିଏମଟି କଲେଜରେ ଏଲଏଲମ ପାସ କରିଥିଲେ । ସେ ତାଙ୍କ ୨ୟ ପ୍ରୟାସରେ ଜୁଡିସିଆଲ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ସେ କହିଛନ୍ତି ଯେ, ବାପାଙ୍କ ମୃତ୍ୟୁ ପରେ ତାଙ୍କର ଜୀବନର ମୋଡ ବଦଳି ଯାଇଥିଲା ହେଲେ ତାଙ୍କ ମା ପ୍ରତିକ୍ଷେତ୍ରରେ ତାଙ୍କୁ ସହଯୋଗ କରିଆସିଛନ୍ତି । ବିବାହ ପରେ ମା’ ସ୍ୱାମୀ ଏବଂ ଶାଶୁଘର ଲୋକେ ତାଙ୍କୁ ସପୋର୍ଟ କରି ଆଗକୁ ବଢିବା ପାଇଁ ପ୍ରୋତ୍ସାହନ ଦେଇଛନ୍ତି ।