ମୁଜଫରପୁରର ଯେଉଁ ହସ୍ପିଟାଲ୍ ରେ ଜୀବନ ହରାଇଥିଲେ ୧୬୫ ଶିଶୁ , ସେଠାରୁ ମିଳିଲା ନରକଙ୍କାଳ ! ତୁରନ୍ତ ଜାଞ୍ଚ୍ ପାଇଁ ମିଳିଲା ଆଦେଶ
ବିହାରର ମୁଜଫରପୁରର କୃଷ୍ଣା ମେଡିକାଲ୍ କଲେଜ୍ ଏବଂ ହସପିଟାଲରେ ନରକଙ୍କାଳ ମିଳିଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଏହି ହସ୍ପିଟାଲରେ ମସ୍କିକ ଜ୍ୱରରେ ପୀଡିତ ହୋଇ ୧୬୫ ଜଣ ଶିଶୁଙ୍କ ମୃତ୍ୟୁ ହୋଇସାରିଛି । ମାନବ ଶରୀରର ଅଂଶ ମିଳିବା ପରେ ହସ୍ପିଟାଲର ମେଡିକାଲ୍ ସୁପରିଟେଣ୍ଡେଟ୍ ଏସକେ ଶାହୀ କହିଛନ୍ତି , “ ଶବ ବ୍ୟବଚ୍ଛେଦ ବିଭାଗ ପ୍ରାଚାର୍ଯ୍ୟର ଅଧିନରେ ଆସିଥାଏ । କିନ୍ତୁ ଏଥିରେ ସମ୍ବେଦନାକୁ ଧ୍ୟାନ ଦିଆଯିବା ଆବଶ୍ୟକ । ମୁଁ ପ୍ରିନ୍ସିପାଲଙ୍କ ସହ କଥାବାର୍ତ୍ତା କରିବି । ଏହି ମାମଲାରେ ଜାଞ୍ଚ୍ ପାଇଁ ଜାଞ୍ଚ୍ କମିଟି ପ୍ରସ୍ତୁତ କରିବା ପାଇଁ କହିବି । ଶ୍ରୀ କୃଷ୍ଣା ମେଡିକାଲ୍ କଲେଜ୍ ଏବଂ ହସପିଟାଲରେ ଜାଞ୍ଚ୍ ଟିମ୍ ତଦାରଖ କରିବେ । ଯେଉଁଠାରେ ଅବଶେଷ ମିଳିଛି । ହସ୍ପିଟାଲରେ ଡା. ବିପିନ୍ କୁମାର କହିଛନ୍ତି , ଏଠାରେ ମାନବ କଙ୍କାଳର ଅବଶେଷ ମିଳିଛି । ଯାହାର ସମ୍ପୁର୍ଣ୍ଣ ବିବରଣୀ ପ୍ରିନ୍ସିପାଲ୍ ଦେବେ ।
Kanak News is now on WhatsApp
Join and get latest news updates delivered to you via WhatsApp
Bihar: Human skeletal remains found behind Sri Krishna Medical College & Hospital, Muzaffarpur. SK Shahi, MS SKMCH says,”Postmortem dept is under Principal but it should be done with a humane approach. I’ll talk to the Principal & ask him to constitute an investigating committee” pic.twitter.com/TBzuo2ZnqP
— ANI (@ANI) June 22, 2019
ଆପଣଙ୍କୁ କହିରଖୁଛୁ ବିହାରରେ ଏବେ ପର୍ଯ୍ୟନ୍ତ ୧୬୫ ପିଲାଙ୍କ ମୃତ୍ୟୁ ହୋଇଯାଇଛି । ମୁଜଫରପୁରରେ ଶିଶୁମୃତ୍ୟୁ ମାମଲା ଲୋକସଭାରେ ମଧ୍ୟ ଉଙ୍ଖିସାରିଛି । ବିଜେପି ସଦସ୍ୟ ଶୁକ୍ରବାର ଲୋକସଭାରେ ଏନେଇ ଜାଞ୍ଚ୍ କରିବା ପାଇଁ କହିଥିଲେ । ଲିଚି ଫଳର ନାଁ ଆଳରେ ମୃତ୍ୟୁର ଅନ୍ୟ କୌଣସି ସାମଞ୍ଜସ୍ୟ ଥିବା ନେଇ ତଦାରଖ କରିବାକୁ ସେ କହିଥିଲେ । ବିହାରର ସାରଣ ଲୋକସଭା ସଦସ୍ୟ ରାଜୀବ ପ୍ରତାପ ରୁଡି ଏନେଇ ଶୂନ୍ୟକାଳରେ ଏହି ବିଷୟ ଉଠାଇଥିଲେ ଏବଂ ସେ କହିଥିଲେ ମୁଜଫରପୁରର ଅବସ୍ଥା ଖୁବ୍ ଚିନ୍ତାଜନକ । ସେ କହିଥିଲେ ଯେ ମୁଜଫରପୁରରେ ପିଲାଙ୍କ ଦ୍ୱାରା ଲିଚି ସେବନ କରିବାକୁ ନେଇ ଇନ୍ସେଫେଲାଇଟିସ୍ ର କାରଣ ହୋଇପାରେ । ଆମେ ପିଲାବେଳୁ ଲିଚି ଖାଇ ଆସୁଛୁ କିନ୍ତୁ ଆମକୁ ତ ଏଭଳି କିଛି ରୋଗ ହୋଇନାହିଁ । ରୁଡି କହିଥିଲେ କିଛି ଭ୍ରାମକ ବିବରଣୀକୁ ନେଇ ଅନେକ ଲୋକ ଲିଚି ଖାଇବା ତଥା ଲିଚି ଜୁସ୍ ପିଇବା ବନ୍ଦ କରିଦେଇଛନ୍ତି । ଏହାସହ ସେ କହିଛନ୍ତି ସରକାରଙ୍କୁ ଏନେଇ ଜାଞ୍ଚ୍ କରିବା ଆବଶ୍ୟକ । ମୁଜଫରପୁରରେ ମସ୍ତିଷ୍କ ଜ୍ୱରରେ ପୀଡିତ ଶିଶୁମୃତକୁ ଲିଚି ସହ ଯୋଡିବା ଦ୍ୱାରା ଭାରତର ଅନେକ ଲିଚି ଉତ୍ପାଦନ କରୁଥିବା ଚାଷୀଙ୍କ ଦାନାପାଣିକୁ ଗୋଇଠା ମାରିବାର ଷଡଯନ୍ତ୍ର ନୁହେଁ ତ ।
Bihar: An investigation team of Sri Krishna Medical College & Hospital, Muzaffarpur visits the spot where human skeletal remains have been found. SKMCH’s Dr Vipin Kumar, says, “Skeletal remains have been found here. Detailed information will be provided by the Principal.” pic.twitter.com/Te32KjfHOK
— ANI (@ANI) June 22, 2019