ମଧ୍ୟପ୍ରଦେଶର ରୋସନପୁରାଠାରେ ଏକ ରୋଡ୍ ଶୋ’ରେ ଯୋଗ ଦେଇଥିବା କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ପୁଣି ଚର୍ଚ୍ଚାରେ ଆସିଛନ୍ତି । ରୋଡ୍ ଶୋ’ ଶେଷ ହେବା ପରେ ରାହୁଲଙ୍କୁ ଚା’ ପିଇବାର ଇଚ୍ଛା ହେଲା ସେ ପୁଣି ରାସ୍ତା କଡର ଟି’ଷ୍ଟଲରୁ । କର୍ମୀମାନେ ରାହୁଲଙ୍କୁ ଭୁଜିଆ ଖାଇବା ପାଇଁ ମଧ୍ୟ ଦେଇଥିଲେ । ରାହୁଲଙ୍କ ପାଇଁ ରାଜୁ ଚା’ବାଲା ଖୁବ୍ ସ୍ପେଶାଲ୍ ଚା’ ପ୍ରସ୍ତୁତ କରି ପିଆଇଥିଲେ ।

ଚା’ ପିଇବା ସମୟରେ ରାହୁଲଙ୍କ ସହ ଅନ୍ୟ ନେତାମାନେ ଏବଂ ଚା ବାଲା ମଧ୍ୟ ସେଲଫି ଉଠାଇବାରେ ଲାଗିଥିଲେ । ମସ୍ତିଖୋର ରାହୁଲ ଏଠାରେ ମଧ୍ୟ ନିଜ ମସ୍ତିକୁ ଜାହିର କରିଥିଲେ । ପ୍ରତି ସେଲଫିରେ ସେ ଆଖି ମାରିବା ପୋଜ୍ ଦେଇଥିଲେ । ଯାହାକୁ ସେଠାରେ ଥିବା ଲୋକ ଏବଂ କର୍ମୀ ହାସ୍ୟାରୋଳରେ ଉଡାଇଦେଲେ । ତେବେ ଏହି କିଛି ଦିନ ହେଲା ରାହୁଲ ଆଖିମରାକୁ ନେଇ ଖୁବ୍ ଚର୍ଚ୍ଚାରେ ରହିଛନ୍ତି । ସେ ପ୍ରଥମେ ଲୋକସଭାରେ ପ୍ରଧାନମନ୍ତ୍ରୀ ମୋଦିଙ୍କୁ ଆଲିଙ୍ଗନ କରି ଅନ୍ୟ ଏକ କଂଗ୍ରେସ କର୍ମୀଙ୍କୁ ଆଖି ମାରିଥିଲେ । ଏହାପରେ ଏକ ସଭାରେ ମଧ୍ୟ ସେ ଆଖି ମାରିଥିଲେ ।